Di Asset Management Corporation of Nigeria don react to tori wey dey fly upandan say dem seize one house for Banana Island wey belong to Nigerian celebrity, Toke Makinwa.
Di spokesperson of Amcon, Jude Uwauzor tell BBC Pidgin say:
“You know say Pan Ocean dey indebted to Amcon? Amcon actually take ova some assets of Pan Ocean group ova di debt of N240bn in a bit to recover our money.”
Oga Uwauzor say im no dey aware if dis particular house wey Toke dey live dey among di one wey Amcon take ova.
E say most of di assets wey dem take ova dey guided by court orders and no be just ordinary take ova.
“So wen court judgement dey ground and Amcon enforce di judgement, e no get anytin wey anybody fit do, na either dem pay and then dem fit re-go court.”
Di spokesperson add say wen Amcon take ova any property, dem dey actually look for buyers, sell di property and then recover dia money.
- Toke Makinwa birthday foto wey make Nigerians hala
- Meet di housemates of Big Brother Naija lockdown Season 5
Wetin Toke tok?
‘Toke still dey stay for her house wey dey Ikoyi and e get something wey plenti pipo dey get wrong, her house no even dey for Banana Island.’
Dis na wetin one of Toke Makinwa managers tok wen BBC Pidgin call to confam if na true say Asset Management Corporation of Nigeria (Amcon) don seize her house.
Recently, Some Fans of di TV/Radio personality spread rumour for Twitter say Amcon don seize di house wey di Chairman of Pan Ocean Oil Corporation (one oil and gas company) but her manager say;
“No be true oh, none of Toke house dey part of di properties wey Amcon repossess and non di properties get anything to do with Toke.”
“A lot of rumour dey come out about her every single moment and we cannot continue to dey address every single one.”
On Monday, Toke tweet say “We Move” as tori begin fly upandan for socia media.
Asset Management Corporation of Nigeria (Amcon) na di Nigerian office wey dem establish by Act of di National Assembly of Nigeria for July 2010 wit a plan say e go stay for 10 years lifespan.
See as Nigerians bin react
Toke Makinwa is like Jadon Sancho on the sugar baby market. She’ll always have offers. I’d like to think she was gifted more than one house by more than one man. She’ll be fine. Her beauty is a leverage to move ahead in life and its no different from when IQ is your own leverage.
— Olóyè. (@oloye__) July 27, 2020
Toke Makinwa was broke shaming people the other day while living in a house that was bought on credit by someone’s Dad. Now they’ve collected the house and Sis have suddenly turned to a motivational speaker.
Nothing in this life is eternal. Be humble!!!
— Obi Of Onitsha🇨🇦 (@Uncle_clique) July 27, 2020
Toke Makinwa trying to check into the seized apartment to confirm the news.pic.twitter.com/qbDCiHqybV
— Premier (@SodiqTade) July 27, 2020
AMCON took over Toke Makinwa‘s ‘house’? Baby girl should have put her name on the property yo😭
— Gift 🖤 (@Giftama_) July 27, 2020
Toke Makinwa however pas some coded message for retweets
Heads up never letting it down!!! That’s who u are! Toke A Queen , a strong woman …I love you and I know nothing will bring you down📌…Keep Winning ❤🥰
— princess Anurika (@Extraprincess1) July 27, 2020
I’m here 😄😄😄 https://t.co/NKPhodvLRE
— Toke Makinwa (@tokstarr) July 27, 2020
Toke Makinwa na controversial Nigerian celeb and di last time wen she trend na just days ago wen she tok say Marriage get expiry date.
Na on 3 November, 1984, dem born Toke Makinwa and apart from being a Nigerian radio personality, she also be television host, vlogger and lifestyle entrepreneur.
She dey popular for hosting The Morning Drive on Rhythm 93.7 FM and for her YouTube vlog series Toke Moments.