Rwanda president say di international community “fail all of us”, as e mark 30 years since di 1994 genocide wey kill around 800,000 pipo.
President Paul Kagame tok dis one as e address dignitaries and world leaders wey gada for Rwanda capital, Kigali, to remember di bloodshed.
“Rwanda dey completely humbled by di magnitude of our loss,” e tok.
“And di lessons wey we learn dey engraved in blood.”
On dis day in 1994, extremists from di Hutu ethnic group launch 100-day killing spree, wey members of di Tutsi minority and Hutu pipo dey slaughtered.
- ‘I dey lucky enough to reunite wit some relatives wey survive’ – Woman recall Rwanda genocide afta 30 years
- Wetin dey cause di tension between Rwanda and DR Congo?
