Di Joint Admissions and Matriculation Board (Jamb) don release di results of di 2024 Unified Tertiary Matriculation Examination UTME results.
Jamb registrar, Prof. Ishaq Oloyede give di informate for one conference for Abuja, Nigeria capital on Monday.
Di examination wey start on Friday, 19 April end on Monday, 29 April 2024. E hold for 118 examination towns and for 774 centres.
A total of 1,989,668 candidates register for di UTME, di exam wey go guarantee dem access into higher education.
1,904,189 million candidates sit for di exam. Meanwhile di board release di results of 1,842, 464 candidates.
According to di Jamb registrar, 64, 624 results dey under investigation for different reasons.
Oda breakdown of di exam wey Jamb tok na say 2,896 results dey under investigation on verification.
Prof. Ishaq also say dem 4,594 Procedural investigation of candidates.
Centre Based Investigation (57, 056) for 18 Centres: Edo 12; Akwa Ibom 3; Delta 2 and Kwara 1;
Alleged Examination Misconduct (78)
Breakdown of student’s performance for di 2024 UTME
Jamb say out of di 1,842,464 results wey di examination body release, 0.4% score above 300 while 24% score 50% (200/400) and above.
8,401 candidates score300 and above. 77,070 score 250 and above. 439,974 candidates score 200 and above while 1,402,490 candidates score below 200.
How to check UTME result
Di board don advise candidates to use di phone numbers wey dem take register to text UTMERESULT to 55019/66019.
Dem say dem no need to go any CBT centre or cybercafé to check results.
Jamb also explain once di candidate send di text, candidate wey get result go receive di message:
Those results wey dem still dey process and di ones wey dey absent go receive “under processing” and “absent” respectively, di exam board add.
Those under investigation go receive:
- Verification Investigation
- Under Investigation (A)
- Under Investigation (B)
- Alleged Infraction
