Di parents of di 11-year-old JSS1 student of Deeper Life High School Uyo, wey bin allegedly dey sexually molested, don demand di sum of N100million compensation for di inhuman torture dia son suffer for di school.
Dis informate dey for letter dem send to di Principal of di school, through dia lawyers, Eagle-Eyes Network Chambers, wey one David Okokon sign.
- Wetin Pastor Kumuyi and calls for justice for one schoolboy trend dey about
- Deeper Life bible Church tok on 11-year old sexual assault mata
For di letter wey dey dated 22 December, 2020, di family dem give Deeper Life High School Uyo, 21 days to pay di compensation money.
Dem also demand make di school publish unreserved apology for two National Newspapers and any oda two local newspapers wey dey circulate within Akwa Ibom State and its environs.
Di school neva respond to dis latest demand.