Nigeria go face Benin for dia first Afcon 2025 qualifying match on Saturday evening.
Dis game dey come barely two months ago wey di Super Eagles bin lose 2-1 to Cheetahs for dia world cup qualifying match.
48 national teams across di continent dey take part for dis campaign.
Di Confederation of Africa (Caf) divide di teams into 12 groups, dem go den battle am out in a series of matches.
Na di top two finishers for di 11 groups wey no involve tournament hosts Morocco, go qualify for di competition.
Nigeria dey group D for di qualifiers, di group also get Benin, Rwanda and Libya inside.
24 teams go compete di 35th edition of di ogbonge football competition wey go hold between 21 December and 18 January for Morocco.
Date, kick-off time and venue
Di match go take place for di Godswill Akpabio stadium for Uyo, Akwa Ibom state on Saturday 7 September.
Kick-off time na 5pm West African time.
Nigeria Football Federation begin sell ticket for di ogbonge match on Friday.
Where to watch Nigeria vs Benin
You fit live stream di match for Afrosport TV , Afrosport TV
Follow all di action live for BBC Pidgin website, we go bring you all di live-text commentary as e dey happun.
Nigeria vs Benin team news
Ademola Lookman dey expected to start for Nigeria and Captain William Ekong, wing-back Olaoluwa Aina all dey fit to start dis game.
Goalkeepers: Stanley Nwabali, Maduka Okoye, Amas Obasogie
Defenders: William Ekong, Bright Osayi-Samuel, Olisa Ndah, Bruno Onyemaechi, Oluwasemilogo Ajayi, Calvin Bassey, Olaoluwa Aina
Midfielders: Wilfred Ndidi, Raphael Onyedika, Alhassan Yusuf Abdullahi, Fisayo Dele-Bashiru ,Frank Onyeka, Alex Iwobi
Forwards: Samuel Chukwueze, Victor Osimhen, Kelechi Iheanacho, Victor Boniface, Moses Simon, Ademola Lookman , Taiwo Awoniyi
Nigeria vs Benin head to head record
Whenever Nigeria and Benin jam for match, e dey tough and e dey unpredictable. Di rivalry between dis two West African neighbours deep, and dis qualifiers no go dey different.
Di Super Eagles wey bin reach di final of di last Afcon bin lose to Benin for June dis year wit goals from Jodel Dossou and Steve Mounié.
For dis game di Cheetahs go dey hope say dem fit repeat am again.
Nigeria record against Benin good but di last meeting between di two sides na di visitors collect all three points
Caf World Cup qualifiers 10 June 2024: Benin 2-1 Nigeria
Caf Africa Cup of Nations qualifiers 27 March 2021: Benin 0-1 Nigeria
Caf Africa Cup of Nations qualifiers 13 November 2019 : Nigeria 2-1 Benin
Caf Africa Cup of Nations 16 January 2010 : Nigeria 1 – 0 Benin
Caf Africa Cup of Nations 29 January 2008 : Nigeria 2- 0 Benin
- Afcon 2025 qualifiers table, fixtures and results
- Milson last minute goal upset Ghana for 2025 Afcon qualifiers against Angola
- Meet di Africans for di 2024 Ballon d’Or award
