Matthijs de Ligt score im first goal for Manchester United as Erik ten Hag side claim victory for Southampton for dia Premier League match.
Di Red Devils bin go into di recent international break afta dia bad results against Liverpool, and dem bin need to put in a good performance on dia return to action.
Dem survive a difficult start bifor Andre Onana save Cameron Archer penalty, afta dat incident di game change wen dem take di lead.
Summer signing De Ligt score di opening goal afta im connect well wit Bruno Fernandes cross from corner kick.
Six minutes later Manchester United doubled dia lead, Marcus Rashford score im first goal of di season, im guide a low strike through crowd inside di net.
Di goals affect Southampton confidence.
Tins go from bad to worse for Southampton wen Jack Stephens collect straight red card late for reckless challenge on Alejandro Garnacho.
Di substitute Garnacho wrap up di win for di visitors wit hot shot deep inside stoppage time.
Checkout di full match highlights
Second half
90+8 Mins – Referee don blow for full time.
90+6 Mins- 0 – 3
Goal! Alejandro Garnacho collect short pass from Diogo Dalot waya hot shot inside top right corner.
90+5 Mins – Bruno Fernandes take di corner kick after one of di defenders clear di ball=.
90+4 Mins- One pass reach Alejandro Garnacho for di middle of di box, im look up and shot but defender block di shot.
90+1’Mins- Joshua Zirkzee miss good chance to score from inch-perfect cross inside di box. Joshua Zirkzee rise to head di ball but miss ova di bar.
90 Mins- Na minimum of 6 min. of added time.
88 Mins- Bruno Fernandes collect fine pass and shot from distance but im attempt go wide of di left post.
87 Mins- Substitution. Casemiro replace Matthijs de Ligt.
81 Mins- Mateus Fernandes don comot for Taylor Harwood-Bellis .
79 Mins- Referee blow im whistle and bring out red card. Jack Stephens go leave di pitch immediately. Di red card na sake of im tackle against Alejandro Garnacho.
77 Mins- Erik ten Hag don comot Lisandro Martinez and replace am wit Jonny Evans .
75 Mins- Harry Maguire don collect yellow card.
74 Mins- Harry Maguire go replace Noussair Mazraoui.
74 Mins- Erik ten Hag don decide to bring in Manuel Ugarte Christian Eriksen don comot.
74 Mins- Yellow card for Maxwel Cornet.
73 Mins- Substitution. Marcus Rashford don comot Alejandro Garnacho don enta.
72 Mins- Some great controlled play and passing from Southampton. Dem don increase dia possession of di ball as dem try to open up di opposition defence to hit dem on di break.
68 Mins- Bruno Fernandes don collect yellow card for foul
64 Mins-Na time for substitution. Maxwel Cornet don come in for Lesley Ugochukwu.
64 Mins- Di referee stop play for substitution, Ben Brereton Diaz don comot and Ryan Fraser don enta
64 Mins- Russell Martin decide to make substitution. Tyler Dibling go comot for Adam Lallana
63 Mins- Time for substitution. Ross Stewart don come in for Cameron Archer.
61 Mins- Marcus Rashford contro a neat pass and im get options, but im decide to shoot from distance. Di ball fly towards di top of di net, but Aaron Ramsdale dey good position to save
57 mins- Diogo Dalot don collect yellow card for one late challenge.
57 Mins- Joshua Zirkzee try to slide di ball through for im teammate but di defender block amr.
56 Mins- Yukinari Sugawara make slide tackle, but referee Stuart Attwell blows for foul.
55 Mins- Joshua Zirkzee dribble past challenges, but one of di opposing player do well to collect di ball.
52 Mins- Christian Eriksen deliver di ball inside di penalty box from corner kick.
52 Mins- Fine skill by Marcus Rashford inside di box to gives himself clear goal scoring opportunity, but im shot dey blocked right on di line by one defender afta tim beat di keeper . Manchester Utd force dia opponents to concede corner.
49 Mins- Noussair Mazraoui create space for imself inside di box afta im collect fine pass to take shot wey just go wide of di right post.
48 Mins- Manchester Utd players dey play short passes as dem try to create a shooting opportunity.
47 Mins – No half time changes fro di two teams.
46 Mins- Stuart Attwell blow im whistle to start second half
First Half
45+5 Mins- First half don end referee don blow im whistle.
45 mins- 4 additional min.
44 mins- Fine pass find Matthijs de Ligt wey see space inside di box, im look up and waya low shot towards di middle of digoal, but Aaron Ramsdale react well to deny am.
44 mins- Amad Diallo cross dangerous ball inside di box, but defence don clear di ball.
42 mins- 0 – 2 Goaal: Marcus Rashford
Marcus Rashford collect fine pass and sharpely strikes low shot inside di right post.
38 mins- Cross from mid-range free kick, by Southampton, dey blocked by one of di defenders.
36 mins- 0 – 1 Goaal : Matthijs de Ligt
Matthijs de Ligt do well to meet di cross inside di box and head di ball inside di left post
35 Mins- Christian Eriksen carry di ball go corner flag and cross di ball inside di box.
32 Mins- Missed penalty, Andre Onana save am low to im right!
32 Mins- Cameron Archer (go take responsibility and im already dey prepare di ball.
31 Mins- A clumsy foul by Diogo Dalot and Stuart Attwell don blow im whistle. Southampton get penalty!
26 Mins- Kobbie Mainoo dey come off second-best for di midfield battle wit Southampton Lesley Ugochukwu and im react by desperately handling di ball. Referee give di United midfielder yellow card
25 Mins- Southampton full-back Yukinari Sugawara easily pass Diogo Dalot and cross di ball but Matthijs de Ligt clear am
23 Mins- Ben Brereton Diaz sliding pass forward, but one of di defenders cut am out.
21 Mins- Full-back Noussair Mazraoui fall awkwardly and di Manchester United player dey receive some treatment.
20 Mins- Bruno Fernandes collect pass inside di box and waya shot but defender block am
18 Mins- Noussair Mazraoui collect di ball from di edge of the penalty area and fires im shot goalwards, but Aaron Ramsdale hand punch am out.
15 Mins- Joshua Zirkzee collects great pass inside di box but miss a golden opportunity. Im low shot go straight to di middle of the goal, di goalkeeper do well to stop im effort.
14 mins- Tyler Dibling try to collect di through ball, but e too long.
13 mins- Cameron Archer collect di ball for im feet for Manchester United box, but Matthijs de Ligt do well to clear di ball
10 mins-Di game don settle but na Southampton wey dey look sharp.
8 mins- Tyler Dibling wey dey make im Premier League debut for Southampton almost scores!
Di 18-year-old Englishman brings di ball from long way and fine hot curling effort but Manchester United keeper Andre Onana push di ball away.
6 mins- Marcus Rashford try to drive inside Southampton box, but di Manchester United wide man dey blocked
6 mins- Stuart Attwell stop di game for tactical foul by Ben Brereton Diaz (Southampton).
3 mins- Slow possession, a couple of late challenges
2 Mins -Di visitors build dia first attack down di left, but Diogo Dalot pull back Yukinari Sugawara and na free-kick to Southampton.
1 Min- Match don start
Afcon 2025 qualifiers table, fixtures and results
Southampton vs Man Utd line- Ups
Southampton XI: Ramsdale; Sugawara, Bednarek, Stephens, Walker-Peters; Ugochukwu, Downes, Fernandes, Dibling, Archer, Brereton Díaz.
Subs: McCarthy, Harwood-Bellis, Aribo, Armstrong, Lallana, Stewart, Taylor, Cornet, Fraser.
Man Utd XI: Onana; Mazraoui, de Ligt, Martinez, Dalot; Eriksen, Mainoo; Diallo, Fernandes, Rashford; Zirkzee.
Subs: Bayindir, Maguire, Garnacho, Casemiro, Antony, Ugarte, Evans, Wheatley, Collyer.
Southampton vs Man Utd prediction
BBC football sabi pesin Chris Sutton and Femi Koleoso, Ife Ogunjobi from jazz band Ezra Collective, di 2023 Mercury Music Prize winners drop dia prediction for dis game.
‘’E go be difficult for Southampton against Manchester United. Erik ten Hag side get dia own issues, e mean say pipo no dey predict United results, dem dey guess, but dem suppose get too much quality for Saints’’.
‘’Southampton go try to ginger but dat probably mean say dem go give up chances and becos I don see Marcus Rashford dey do extra training sessions, I go back im and United to take dem’’.
Sutton prediction: 0-2
Femi prediction: I still feel say United dey suffer from Sir Alex Ferguson hangover. Dem neva sort di club out upstairs, even though na more dan 10 years since im comot. I feel say dem go drop more points hia. 1-1
Ife prediction: I dey go United to win. 1-2
Match facts
Head to head
Southampton dey winless in 14 Premier League games against Manchester United since dia 1-0 away victory for January 2016.
Saints only win for di past 18 meetings in all competitions for St Mary’s Stadium na 1-0 for Premier League for August 2003 courtesy of di 88th-minute goal by James Beattie.
Di Red Devils don come from behind to beat Southampton for 10 Premier League games – only Liverpool get more comeback wins against a single opponent for di competition history, dem do so 11 times against Newcastle.
United dey one short of becoming di first club to score 100 Premier League goals against Southampton.
Southampton
Southampton fit become di first side to lose dia opening four Premier League fixtures for three separate seasons, previously dem do so in 1998-99 and 2012-13.
Dem don make four errors wey lead to goals.
Saints dey on a club Premier League record run of 16 winless games since dia 1-0 home victory against Leicester City for March 2023.
Southampton don go 15 league matches without a clean sheet since dia goalless draw for Old Trafford 18 months ago.
Ben Brereton Diaz dey winless in all 17 Premier League appearances, e don equal di record wey former Bolton and Burnley forward Marvin Sordell bin hold.
Russell Martin bin lose five of im six Premier League appearances as a player against Manchester United for Norwich City. Di only exception na di 2-1 win for Old Trafford for December 2015.
Aaron Ramsdale don chop 19 goals against United, na di highest for am against any club along wit Liverpool.
Manchester United
Manchester United don lose two of dia opening three league games for di second season under Erik ten Hag, dis pass wetin dem don do bifor for dia previous 29 campaigns combined.
Di last time wey United bin lose three of dia opening four league fixtures na for 1986. Dat time, Alex Ferguson bin replace Ron Atkinson as manager for November of dat campaign.
Dem fit suffer three consecutive Premier League defeats within a season for di first time since December 2015 under Louis van Gaal. Dat run bin include a 2-1 home defeat against a Norwich City team wey Russell Martin bin captain.
However, United don only lose one of dia past 30 Premier League matches against promoted sides (W22, D7), dem win 15 of 17 since dia 4-1 loss for Watford for November 2021.
Di Red Devils 3-0 defeat by Liverpool na di first time dem dey chop three goals due to errors for Premier League game since dat kain record start for 2008.
United don only score twice dis season despite dia expected goals tally of 5.2. Na di biggest negative differential of any team.
- Afcon 2025 qualifiers table, fixtures and results
- Meet di Africans for di 2024 Ballon d’Or award
- Uefa Champions League 2024/25 full pairing
