Di Director-General for World Trade Organisation, Ngozi Okonjo-Iweala, don congratulate her son, Dr Uchechi Iweala, for breaking medical record for Maryland, United States.
Madam Okonjo-Iweala announce for twitter say her son na one of di first spinal surgeons for Maryland to perform successful navigated lumbar spinal fusion using robot and congratulate am.
“Congratulations Dr. Uchechi Iweala, to be one of di first spinal surgeons for Maryland to perform successful navigated lumbar spinal fusion using a robot! So proud to be your Mum! Keep am going!”
Who be Dr. Uchechi Iweala?
Dr. Uchechi na Ngozi Okonjo-Iweala son and na trained orthopaedic surgeon wey dey specializes for spine surgery E grow up for Maryland and attend St. Albans inside DC.
E get im Bachelor degree with honours for Harvard College, and receive im MD/MBA from Harvard Medical School and Harvard Business School.
Dr. Iweala come return to di DC area to complete e residency training on orthopaedic surgery for George Washington University.
Afta e residency, e complete fellowship in spine surgery for New York University.
- Cross, Tiwa, Angel, Tacha, Etinosa, Naija celebs nude video dey rise?
- How to use e-Naira Nigeria digital currency
According to di informate wey dey di Centres for advanced Orthopaedics, Dr. Iweala specialties include;
- Robotic Spine Surgery
- Minimally Invasive Spine Surgery
- Cervical and Lumbar Disc Replacement
- Spinal Fusion/Arthrodesis
- Nerve Releases
- Spinal Injections
- Spinal Deformity
- Spinal Stenosis
- Degenerative Disc Disease
- Spondylolisthesis
- Trauma and Fracture Care
Dr. Iweala belong to groups wey dey specialize on spine/Orthopaedic. E be member of di Lumbar Spine Research Society, di North American Spine Society, and di American Academy of Orthopaedic Surgeons.
E research interests include minimizing re-operation afta spinal fusion, limiting di use of narcotics in spine surgery, and maximizing di efficiency and value of care for spine surgery patients.
