Rwanda 0-0 Nigeria Afcon qualifier live updates

HALF-TIME

Rwanda 0-0 Nigeria

Good game by dis two team as dem battle out for di Afcon qualifier but no goal yet.

45+4mins- A great save dia by Ekong. An di ball is back to play.

45+2mins- YELLOW CARD’ Ola Aina chop anoda yellow for Nigeria as e pull shirt of a Rwanda player

45+1mins- Corner for Rwanda as dem quickly take am, but na easy catch for Nwabali. Strong run by Boniface towards di Rwanda team, but Boniface fall oooo and referee no give am free kick.

4mins Added Time

45mins- Innocent of Rwanda wit a selfish ball dia, e for try play wit im teammate but e play am wide.

42mins- Nwabali having good control of di ball as e keep di ball for im side.

Rwanda 0-0 Nigeria

Anoda free miss by Onyemaechi.

40mins- Troost-Ekong wit good control. Chukwueze take di ball from di angle wit Ola Aina for di back

38mins- Rwanda goalkeeper down. Ball bakc in play.

VICTOR BONIFACE!!! What a MISS afta im good placing hit di ball and Lookman no fit convert am too.

36mins- Rwanda dey play good ball from dis left side but Super Eagles defenders dey block am

34mins- Good ball so far bu=y di two teams looking for goals from both net.

32mins- Ndidi wit good domination wit Dele-Bashiru at di middle. Dem dey control di ball well as dem also dey find Ademola Lookman fro di front.

30mins- Rwanda goalkeeper dey show say e sabi as dey fly evriwia to catch and push di ball comot for net.

29mins- Fourth corner kick for Nigeria. Lookman play am ova di head of di strikers, but Rwanda goalkeeper push am out.

Moses Simon and Iheanacho dey warm up- as Chukwueze still dey floor but e don stand.

Rwanda 0-0 Nigeria

YELLOW CARD‘ Rwanda captain Bizimana Djihad do foul for Chukwueze and di referee no waste time to waya am card.

27mins- Di Super Eagles dey make strong move, wit Dele-Bashiru wit good pass.

YELLOW CARD’ Niyomugabo Claude of Rwanda and Chukuwweze of Nigeria chop yellow card for di same time.

25mins- What blocked shot from Boniface. Corner for Nigeria. Chukwueze don dey vex oooo

23mins- Corner taken by Ademola Lookman as ball go back in control.

GOAL CANCELLED. Ademola Lookman wit a strong hit inside di net but di referee cancel am.

21mins- Victor Boniface wit a long run wit di ball. Cleared by Rwanda defender. Ola Aina wi a throw-in

19mins- A s e be now, Nigeria gatz do well wit dia forward as plenti ball dey miss for di frontline. No corner for di Super Eagles yet while Rwanda dey attack from di left angle to give Ola Aina more issue to deal wit.

17mins- Anoda corner kick for Rwanda to be taken by Muhire wey be dia star player. Danger for di Super Eagles inside di box 18, Nshuti Innocent try shot but e dey blocked. Ball back in play

Rwanda 0-0 Nigeria

Muhire to take free kick for di Rwanda team. Defender block di ball from entering di net.

14mins- ADEMOLA LOOKMAN!!!! what a SAVE by Rwanda goalkeeper. Lookman find correct position to place imsef as e drive forward but di keeper stop am.

13mins- Ola Aina wit a run from di left hand side, but no chance to shoot at di net

Nwabali wit so much confidence on di goalpost as e block di ball

12mins- Wjhat a good block by Nigeria defender Bassey

Ademola Lookman playing from di upper right side, but nobody to support

11mins- Rwanda dey attack from di left side again wit Muhire putting pressure for di Super Eagles defence line.

9mins- Boniface trying to play from di middle as e find di team mate wey dey close to am. Calvin Bassey wit good run from di right side of di middle looking for Ola Aina, but e too hit di ball.

Goal kick for Nwabali, played wide into di middle

7mins- Rwanda moving form di left angle, good pass, as jersey number 11 Muhire Kevin try a long shot but too high, e go ova di bar.

Rwanda having some confidence and good control from di middle line wit good home support.

5mins- Corner kick for di Rwandan team, quickly taken wit beautiful shot by Djihad but di header go ova di goalpost.

4mins- Anoda straight move wit shot from Ndidi right into di box 18 of Rwanda, but di goalkeeper Fiarce catch am

2mins- Good blind run by Ademola Lookman from di angle of di pitch, but Onyemeachi no get chance score am

Goal kick for Nigeria as Nwabali dey in control of di ball

0mins- Di Rwanda team start di match. Rwanda making progress towards Nigeria goalpost.

Di two players also gada to pray bifor di match start.

Di two teams don alreadi sing di national anthem and di stadium dey bubble wit songs from fans

Rwanda 0-0 Nigeria

FIRST HALF

Victor Osimhen celebrates a goal with Ademola Lookman — Ademola Lookman and Victor Osimhen both score for Nigeria against Benin Republic on Saturday, September 7, 2024

Squad list

Nigeria first eleven: Nwabali (G), 5. Ekong* [С), Aina, Ajayi, Onyemaechi, Bassey, Ndidi, Dele-Bashiru, Lookman, Chukwueze, Boniface

Substitutes: Okoye, Obasogie, Iheanacho, Osimhen, Onyeka, Simon, Awoniyi, Onyedika, Tanimu, Ndah, Alhassan, Iwobi

Rwanda first eleven: Ntwari Fiacre (GK), Omborenga Fitina, Niyomugabo Claude, Mutsinzi Ange, Manzi Thierry, Mugisha Bonheur, Kwizera Jojea, Bizimana Djihad (c), Nshuti Innocent, Muhire Kevin, Mugisha Gilbert

SUBS

Maxime, Adolphe, Yunussu, Ishimwe, Samuel Niyibizi, Nsabimana, Niyigena, Mugisha, Byiringiro, Gitego, Ruboneka

Di Super Eagles of Nigeria go meet the Wasps of Rwanda dis Tuesday for Kigali, di Rwandan capital on matchday two of di Afcon 2025 qualifiers.

Dis match go be di second for coach Austin Eguaveon wey come back as Super Eagles coach for di fourth time as dem trash Benin Republic 3-0 for Uyo, Akwa Ibom State last Saturday.

However, football sabi pipo, and even di Super Eagles players diasef, know say dis encounter no go easy.

Rwanda no be giant nation for football for Africa, but dia new coach Torsten Spittler be like say e don add beta ginger for di team since e take over for November last year.

Spittler don lose only one match for di eight matches wey e carry Rwanda play. E win three and draw four, including a 1-1 draw wit Libya for dia first match of dis qualifying series for Tripoli.

Nigeria – Rwanda head to head

Dis go be di sixth time Nigeria and Rwanda go meet. For di oda five meetings, Nigeria win dem two times, and dem draw three.

For current form, Nigeria don lose two out of dia last four matches, draw one and win one.

On di oda hand, Rwanda don win two of dia last four, draw one and lose one.

Nigeria currently dey on top of Group D for di 2025 Afcon qualifiers as dem get three points from dia win against Benin Republic. Rwanda and Libya get one point each and Benin get zero.

Players to watch

Balon D’Or nominee Ademola Lookman live up to expectations wit two goals against Benin.

Di Atalanta man dey sure to give di Rwandan defence tough time again on Tuesday.

Also, Victor Osimhen wey neva play competitive match for long sake of im transfer saga wit Napoli, enter as substitute against Benin and score. If e start di match today, e go be one pesin to focus on.