Confederation of African Football (Caf) president Ahmad don chop five years ban from Fifa for breaching dia code of ethics.
Di Fifa vice-president, age 60, break rules relating to duty of loyalty, offering and accepting gifts abuse of position as well as misappropriation of funds.
“Di investigation into Oga Ahmad’s conduct … from 2017 to 2019 involve various Caf-related governance issues, including di organisation and financing of Umrah pilgrimage to Mecca, him involvement for Caf deals with sports equipment company Tactical Steel and oda activities,” na wetin Fifa tok inside statement.
Oga Ahmad, wey BBC Sport Africa tok about im possible ban last month, also chop fine of $200,000.
Ahmad Ahmad don deny all di accuse dem.
Last month, di Fifa vice-president from Madagascar announce him intention to go for a second term for office wen Caf elections take place next March.
Dis now na big comma for am now as im gatz pass eligibility test to resume im place for Fifa Council.
