Di Nigeria Football Federation don release names of twenty-two players ahead of di 2025 Africa Cup of Nations qualifying match.
Super Eagles Captain William Troost- Ekong, wing-back Olaoluwa Aina and strikers Victor Osimhen and Taiwo Awoniyi don return to di team.
Dem also invite three goalkeepers, including Afcon 2023 ogbonge goalkeeper, Stanley Nwabali, seven defenders, six midfielders and seven forwards.
Di Super Eagles of Nigeria go play di Cheetahs of Benin Republic on Saturday 7 September for di Godswill Akpabio International stadium for Uyo, Akwaibom state, southern Nigeria.
Dem go later go Kigali to play di Amavubi of Rwanda for di Amahoro Stadium on Tuesday, 10 September, 2024.
William Troost-Ekong, Ola Aina, Wilfred Ndidi and 19 odas na im dem invite for camp wey go open on Monday for Uyo on 2 September, 2024.
- Afcon 2023: Nigeria don prove di ‘whole world’ wrong – Brown Ideye
- ‘We dey go war as teammates and brothers’ – Victor Osimhen declare as Nigeria jam Cameroon for round of 16
- Kontris wey don lose dia Coaches for Afcon 2023
Full list of players NFF invite
Goalkeepers: Stanley Nwabali (Chippa United, South Africa)
Maduka Okoye (Udinese FC, Italy)
Amas Obasogie (Bendel Insurance FC)
Defenders: William Ekong (Al-Kholood FC, Saudi Arabia)
Bright Osayi-Samuel (Fenerbahce SK, Turkey)
Olisa Ndah (Orlando Pirates, South Africa)
Bruno Onyemaechi (Boavista FC, Portugal)
Oluwasemilogo Ajayi (West Bromwich Albion, England)
Calvin Bassey (Fulham FC, England)
Olaoluwa Aina (Nottingham Forest, England)
Midfielders: Wilfred Ndidi (Leicester City, England)
Raphael Onyedika (Club Brugge, Belgium)
Alhassan Yusuf Abdullahi (New England Revolution, USA)
Fisayo Dele-Bashiru (Lazio FC. Italy)
Frank Onyeka (Brentford FC, England)
Alex Iwobi (Fulham FC, England)
Forwards: Samuel Chukwueze (AC Milan, Italy)
Victor Osimhen (SSC Napoli, Italy)
Kelechi Iheanacho (Sevilla FC, Spain)
Victor Boniface (Bayer Leverkusen, Germany)
Moses Simon (FC Nantes, France)
Ademola Lookman (Atalanta FC, Italy)
Taiwo Awoniyi (Nottingham Forest, England)
Earlier on Tuesday, di Nigeria Football Federation announce di appointment of Bruno Labbadia become new Super Eagles head coach .
Dis matches go be im first assignment as Nigeria dey hope to qualify for di 2025 Africa Cup of Nations wey go happun for Morocco.
Di Nigeria Football Federation bin take time to find coach wey go lead di kontri to football success of 2023 Afcon silver medal winning coach Jose Peseiro contract end.
Dem try dia hand wit assistant coach Finidi George wey bin resign as Super Eagles coach afta dem bash am sake of poor results.
Di 1994 Afcon Super Eagles star bin dey under fire sake of di results e get from di 2026 World Cup qualifying match against arch-rivals South Africa and Benin Republic.
Nigeria bin lose to Benin Republic 2-1 for dia last World Cup qualifier.
Earlier dem play 1-1 draw with South Africa for Uyo.
Nigeria currently dey 5th position out of 6 for Group C. Dem get only 3 points out of 4 matches. Dis na afta dem record 3 draws and 1 loss.
For Afcon qualifiers Nigeria dey for Group D wit Benin Republic, Libya and Rwanda.
- All you suppose know about Paris 2024 Paralympic Games
- Mikel Merino join Arsenal, Ugarte to Man U, footballers wey fit move bifor transfer window close?
- How Noni Madueke hattrick and Cole Palmer assist help Chelsea waya Wolves 6-2
