Di Nigeria Football Federation don announce German tactician Bruno Labbadia as di new Super Eagles head coach.
Na for di early hours of Tuesday, 27 August di Nigeria Football Federation (NFF) make di announcement.
Dem say di Federation don reach agreement wit di German tactician to become di 37th head coach of di senior men national team.
“Di NFF Executive Committee don approve di recommendation of im Technical and Development Sub-Committee to appoint Mr. Bruno Labbadia as di Head Coach of di Super Eagles. Di appointment na wit immediate effect,” NFF tok.
According to di NFF, Labbadia immediate challenge na to take charge of di three-time African champions for two 2025 Africa Cup of Nations qualifying matches against Benin Republic and Rwanda wit four oda matches to conclude di qualifying race following in di months of October and November.
Bruno Labbadia appointment dey come afta di kontri dey struggle to qualify for di 2026 Fifa World Cup under coach Finidi George wey later resign sake of say di NFF bin tok say dem go hire a foreign technical director for di Super Eagles to support am.
NFF decision to hire foreign technical director for di Super Eagles during Finidi George time as head coach na sake of Super Eagles poor outing for di World Cup qualifiers.
Finidi George bin confam say im resign from im position as Super Eagles Head Coach on 15 June.
Who be Bruno Labbadia?
Dem born Bruno Labbadia for Darmstadt, Germany on 8 February 1966.
Im don win two caps for Die Mannschaft for im playing career wey take am through clubs such as home-town team Darmstadt 98, Hamburger SV, FC Kaiserslautern, Bayern Munich, FC Cologne, Werder Bremen, Armenia Bielefeld and Karlsruher SC.
Bruno Labbadia do well for German Bundesliga wit Bayern Munich as a player for 1994.
Im bin coach famous clubs like Hertha Berlin and VfB Stuttgart, VfL Wolfsburg, Hamburger SV, Bayer Leverkusen, among odas.
Bruno Labbadia get UEFA Pro License.
- Which football players fit move bifor transfer window close?
- How Noni Madueke hattrick and Cole Palmer assist help Chelsea waya Wolves 6-2
- Chelsea sign Joao Felix as Conor Gallagher join Atletico Madrid: All di football transfers wey you suppose know dis season
Di new Super Eagles coach na di sixth German to lead di Super Eagles.
Oda German coaches wey bin lead di Super Eagles na: Karl-Heinz Marotzke (wey bin get two stints between 1970 and 1974), Gottlieb Göller (1981), Manfred Höner (1988-1989), Berti Vogts (2007-2008) and Gernot Rohr (2016-2021).
Höner bin lead di Super Eagles to runner-up position at di 1988 Africa Cup of Nations, while Rohr bin qualify and lead Nigeria to di 2018 FIFA World Cup finals in Russia.
Coaches wey don lead Super Eagles
- John Finch (England) – 1949
- Daniel Anyiam (Nigeria) – 1954-1956; 1964-1965
- Les Courtier (England) – 1956-1960
- Moshe Beit Halevi (Israel) – 1960-1961
- George Vardar (Hungary) – 1961-1963
- Joey Blackwell (England) – 1963 – 1964
- József Ember (Hungary) – 1965-1968
- Sabino Barinaga (Spain) – 1968-1969
- Peter ‘Eto’ Amaechina (Nigeria) – 1969-1970
- Karl-Heinz Marotzke (Germany) – 1970-1971; 1974
- Jorge Penna (Brazil) – 1972-1973
- Jelisavčić ‘Father Tiko’ Tihomir (Yugoslavia) – 1974-1978
- Otto Glória (Brazil) – 1979-1982
- Gottlieb Göller (Germany) – 1981
- Adegboye Onigbinde (Nigeria) – 1983-1984; 2002
- Chris Udemezue (Nigeria) – 1984-1986
- Patrick Ekeji (Nigeria) – 1985
- Paul Hamilton (Nigeria) – 1987; 1989
- Manfred Höner (Germany) – 1988-1989
- Clemens Westerhof (Netherlands) – 1989-1994
- Amodu Shaibu (Nigeria) – 1994-1995; 1996-1997; 2001-2002; 2008-2010
- Johannes Bonfrere (Netherlands) – 1995-1996; 1999-2001
- Philippe Troussier (France) – 1997
- Monday Sinclair (Nigeria) – 1997-1998
- Bora Milutinović (Yugoslavia) – 1998
- Thijs Libregts (Netherlands) – 1999
- Christian Chukwu (Nigeria) – 2002-2005
- Augustine Eguavoen (Nigeria) – 2005-2007; 2010; 2022
- Berti Vogts (Germany) – 2007-2008
- Lars Lagerbäck (Sweden) – 2010
- Samson Siasia (Nigeria) – 2010-2011; 2016
- Stephen Keshi (Nigeria) – 2011-2014; 2015
- Sunday Oliseh (Nigeria) – 2015-2016
- Gernot Rohr (Germany) – 2016-2021
- José Peseiro (Portugal) – 2022-2024
- Finidi George (Nigeria) – 2024
- Bruno Labbadia (Germany) – 2024-?
- Janne Andersson or Herve Renard – Di men wey fit be next Super Eagles coach
- Japan end Nigeria Super Falcons dream for di Olympics 2024 as dem waya dem 3-1
- Dricus du Plessis vs Israel Adesanya UFC fight start anoda Nigeria and South Africa rivalry
