US daytime talk show legend Wendy Williams Hunter care team don reveal say she dey diagnosed last year with primary progressive aphasia and frontotemporal dementia (FTD).
Di team say dem dey share di news “to correct wrong and hurtful rumours about her health”.
Ms Williams, 59, bin host di popular, nationally syndicated Wendy Williams Show for over 10 years.
But e end for 2022 sake of di health challenge she bin dey face.
Di news of her diagnosis dey come one day afta pne People Magazine cover story, wia relatives say Ms Williams dey for one care facility for one unknown location and dey in di middle of one shocking health palava.
“As Wendy fans know, in di past she bin don dey open with di public about her medical struggles with Graves’ Disease and Lymphedema as well as oda significant challenges related to her health,” her care team write inside statement on Thursday.
“Over di past few years, questions don come up at times about Wendy ability to process information and many bin dey speculate about Wendy’ condition, particularly wen she begin to lose words, act unpredicatable at times, and find am difficult to understand financial transactions.”
Di team add say Ms Williams diagnosis bin dey confirmed by “several medical tests” last year.
Aphasia na nervous system syndrome wey dey affect di ability to communicate, with patients wey dey often struggle to express dia thoughts and even lose dia ability to speak or write.
FTD na incurable brain disorder wey dey caused by damage to di left side of di brain wey dey affect language and communication abilities. E symptoms, wey dey get worse over time, fit dey managed but treatment wey fit slow or prevent im progression no dey, di National Institutes of Health (NIH) tok.
Di rare disease dey strike pipo mostly at a younger age dan oda forms of dementia, with most wey dey dey diagnosed between di ages of 45 and 64 years old.
Ms Williams progression be like dat of Hollywood icon Bruce Willis wey dem diagnose for 2022 with aphasia and den FTD last year.
Inside dia statement, di New Jersey native care team say FTD don “already present significant hurdles” but Ms Williams “still dey able to do many tins for herself”.
“Most importantly she maintain her normal sense of humour and dey receive di required care to make sure say she dey protected and say her needs dey addressed,” dem write.
Di talk show host, wey turn 60 for July, begin her career for radio as a DJ and shock jock in New York.
But she make name for herself as di host of The Wendy Williams Show from 2008 to 2021. Ms Williams hosting style, di way she dey talk and di way she dey present di show still dey as viral moments ontop di internet.
Concerns over Ms Williams health don dey spread for years.
For 2017, she faint in di middle of one Halloween episode.
Some guest hosts bin step in for Ms Williams while she bin dey out on medical leave to address Graves’ disease, one autoimmune disorder, for 2021.
Producers cancel di show di next year. Ms Williams bin dey under a financial guardianship a few months later, afta di Wells Fargo bank argue say she bin dey “incapacitated”.
The Lifetime network – wey bin air di documentary titled Wendy Williams: What a Mess – don nready to release anoda two-part documentary wey dem call Where is Wendy Williams? dis weekend.
Dem make di decision to go public to advocate for compassion toward dia client and to raise awareness for odas with dia condition, her care team tok.
Not all physicians recognise di condition, so FTD patients dey often dey misdiagnosed or dem no dey get diagnosis at all, according to di Association for Frontotemporal Degeneration.
