Welsey Fofana score im first Premier League goal for Chelsea as di Blues beat Leeds to ease di pressure on manager Graham Potter.
After one run of just one win for their past 15 games, e be like say dos three points na must for Potter, despite insisting say e retain di support of di club owners before di game.
Di Blues make one blistering start and fit dey 3-0 up inside 30 minutes.
Kai Havertz na one-on-one with Leeds keeper Illan Meslier, while Joao Felix smash one shot from distance against di crossbar before Ben Chilwell prodde wide from an excellent position.
After dat growing sense of deja vu dey around Stamford Bridge as Chelsea fade while Leeds grew into di game, with Jack Harrison sending a free-kick over di bar before di break.
But Fofana bin end Chelsea run of 396 minutes without a goal wen e rise to head home from a corner early for di second half.
Leeds up di pressure for di closing stages as di hosts drop deep to try and hold on for one precious win, making for a nervous finale to di game for di home fans, but dem hold on to secure dia second win dis year.
Chelsea remain 10th despite di win while Leeds dey 17th and only out of di bottom three on goal difference.
SECOND HALF
Full-Time Chelsea 1-0 Leeds
MASSIVE three points for Graham Potter side. Relief for Stamford Bridge.
90mins Leeds cause Chelsea problems from a corner and get free-kick down dia right as Havertz trip Firpo.
89mins Gallagher do some great work to keep di ball alive for Chelsea near Leeds corner flag. Di England midfielder play on quick one-two to drive into di box and cannons one shot against a defender.
87mins Firpo hang up a cross for Ayling wey bin dey arrive unmarked for di far post. Di Leeds captain no fit keep im header down.
85mins Chilwell bin try a throughball for Madueke, wey dey offside.
81mins Fofana beat Gnonto for one footrace and clatter off di pitch into a steward. Thankfully no one dey injured
80mins Leeds make attacking change. Greenwood replace Harrison.
73mins Fofana use im strength to nudge Firpo off di ball and shepherd am out for a goal-kick. Di Frenchman make a difference for Chelsea for here.
70mins Leeds earn one free-kick down dia left. Dem never dey able to trouble Chelsea enough from dis positions.
63mins Chelsea spring forward as Leeds briefly overcommit players upfield. Sterling cut inside from di left and fire high and wide.
60mins Chance for Leeds!
Chelsea switch off for di back and Rutter hit Ayling cross against di legs of Koulibaly. Dat take just enough sting out of di shot for Kepa to claim am.
57mins Leeds try to fight back quickly, winning one corner of dia own. E dey come out to Adams. Di American blast one beta shot over from distance.
53mins GOAL! CHELSEA 1-0 LEEDS UNITED!
Fofana pops up wit one big goal for Chelsea! Di Frenchman get on di end of Chilwell outswinging corner to power one ogbonge header into di net.
51mins Felix pops one cute pass to Sterling on di turn. Di England winger take a kick from Wober just outside di box. Chelsea get free-kick.
49mins Chelsea dey show beta skills now. Leeds no fit escape dia own half at di moment.
48mins Chelsea dey straight back into am. Joao Felix slip in Raheem Sterling. E no fit get a shot off, Ruben Loftus-Cheek take over and wen e dey pulled back to Sterling, e slice am over di bar.
46mins Chelsea get di second half underway. Na big 45 minutes for both teams.
FIRST HALF
Half-time Chelsea 0-0 Leeds
Joao Felix effort wey smash di crossbar na di best chance of di half but na goalless e still be.
45mins One decent chance for Leeds as Brenden Aaronson shrugs off pressure to drive down di right and pull am back for Jack Harrison. E dey intercepted just in time by Benoit Badiashile
38mins Over di bar from Jack Harrison from di free-kick. Never troubling Kepa.
32mins Another chance for Chelsea.
Ben Chilwell bring am down for di box, collect di goal gaping and options to im right but e no go any – instead, e poke am well wide.
30mins Fernandez dey look to free Chilwell with a pass over di top. Too much power still dey ontop am for di Chelsea wing-back to reach am.
29mins Everything don settle a little for Stamford Bridge. Chelsea still dey control things but Leeds don manage to temper di chances slightly.
28mins Chelsea don dey try well on top for dis opening half hour. Dem don get over two thirds of possession so far.
26mins: Felix hit di post! Di Chelsea midfielder hit Sterling cutback first time on di volley from di edge of di box.
15mins: HUGE chance for Chelsea.
Raheem Sterling win am for di middle and slide in Kai Havertz. Na two on one and Havertz only get di keeper to beat. E no fit beat am, hitting am straight at am from close range.
9mins: Leeds enjoy dia first attack of di game. Aaronson drift into di box to earn di Whites one corner but e no gree enta.
3mins: Sterling buy Chelsea one free-kick down dia right. Felix float di ball into di centre. Meslier wade into di crowd of bodies to push am out for a throw-in.
2mins: Chelsea start di game with purpose as Fernandez send Chilwell scampering down di left. Di Englishman send a cross into Leeds box. Di visitors cut am out.
1min: KICK-OFF
Na Leeds start di game!
Match facts
Chelsea don win five successive Premier League home fixtures against Leeds.
Leeds last win for Stamford Bridge na 2-0 Premier League victory for 1999 – Stephen McPhail bin score both goals and Chris Sutton dey for di Chelsea line-up.
Di Yorkshire club bin win di reverse fixture 3-0 for Elland Road in August and dey seek to complete a first league double over Chelsea since dia title-winning season in 1991-92.
