Police for Lagos Nigeria, say dem don arrest Nigerian actress Funke Akindele say she break restriction order.
Di Lagos State Police Command torchlight one viral video wey show plenty pipo from di entertainment industry inside one Estate, along Aja, Ibeju-Lekki axis, Lagos dey celebrate birthday party wey Funke Akindele Bello and her husband organize.Police detectives from di State CID yaba sharpaly go di location. “We bin arrest Funke Akindele. Investigation still kontinu, and we dey work to arrest di remaining pipo inside di video, like Azeez Fashola aka Naira Marley and Abdul Rasheed Bello aka JJC Skills. ” Statement from di police tok.
E go pay dis pipo to report do di State CID yaba by demsef on Monday 6th April, 2020 or dem fit see say we don declare dem wanted. Di statement add.
Dis wan dey come afta di actress, release video ontop social media to apologise to her fans afta di video of her husband birthday party show for social media.
She say she “sorry” say she mislead pipo with di party video despite say Lagos goment don advise social distancing for di state as dem dey try to stop di spread of coronavirus.
She tok say she dey support goment with all di rules wey dem put for ground to make sure say dem stop di spread of COVID-19 for di state.
Funke Akindele addresses fans over the party. pic.twitter.com/L19tzTqpvc
— Ibrahim Salawu (@UnilagOlodo) April 5, 2020
Continuation pic.twitter.com/OCcQ8K8oaj
— Ibrahim Salawu (@UnilagOlodo) April 5, 2020
- Nigeria don get 224 cases of Covid-19 outbreak plus one new death
- Lagos lockdown: ‘How my children go survive?’
Meanwhile, Nigerians bin enta social media to para say di actress no follow lockdown rules.
Nigeria don record ova 200 cases of coronavirus and di state wia di party bin hold, Lagos State, na di most affected state for di kontri with ova 100 cases of coronavirus.
Lagos state announce lockdown for two weeks as goment dey try stop di spread of di virus, dem even ban parties and gatherings of over 20 pipo and dem dey advise social distancing rule for di state.
Afta di video of di birthday party surface for social media, Nigerians show dia disappointment say celebrities suppose dey lead by example.
Sidney pranked us, he got away with it. If the government doesn’t arrest everyone that attended that Funke Akindele’s house party, Maybe everyone should just go back to their normal lives and let the virus kill all of us 🤷🏾♂️🤷🏾♂️🤷🏾♂️
— Salman👑 (@NotJustSalmanPR) April 5, 2020
Here’s NCDC Health Advisory Video by Funke Akindele pic.twitter.com/w8Bf7wYpPj
— DANNY WALTER 👑 (@Danny_Walterr) April 5, 2020
What impression does Funke Akindele leave to those who look up to her after that House party? Not to even talk about her being an ambassador for NCDC.
Seeing Naira Marley there with his boys, Eniola Badmus too?? Missing just one birthday in a lifetime won’t kill you!!!
— Duke of Ibadan 🀄️ (@AsiwajuLerry) April 5, 2020
Some pipo say make di Nigeria Centre For Disease Control quarantine her and everybody wey come di party.
Dear @NCDCgov your Ambassador Funke Akindele, Her Husband JJC, Eniola Badmus, Naira Marley & the Entire Family threw a packed House Party Ystd. I love Funke & have nothing against her but Everyone in that House should be Forcefully Quarantined. Pls treat as Urgent. 😷
— #WalkingHumanJollofRice 😁😈 (@n6oflife6) April 5, 2020
And some of her fans say no be only am dey guilty to throw party.
You guys hate Funke Akindele.
Remember she makes us laugh.
Twitter is toxic & filled with haters.Lets move on abeg, is she the first to throw party?
Small social irresponsibility, you guys are over dragging the issue just like you did with Sydney.
Stop the hate abeg.
Haters!
— UG (@UgwunnaEjikem) April 5, 2020
For tweet wey she bin delete, di actress bin first explain say all di pipo wey come di party don dey together for ova two weeks.
But plenti pipo for social media no tink say her excuse dey enough to put her family and oda pipo in harms way at dis critical time wey di kontri dey try contain di spread of di virus.
So far, out of di 224 cases of coronavirus wey Nigeria don record 5 pipo don die and 27 pipo don recover.