Ngozi Nlewedim AKA Erica don become di new head of house of Big Brother season 5 afta she win di HoH Challenge dis evening.
As Head of House, Erica don get automatic immunity for dis week eviction and exclusive access to di Head of House Lounge for di week.
- Meet di housemates of Big Brother Naija lockdown Season 5
- Why Ozo tell Prince ‘shut up’ almost lose controll for BBNaija House mates
She also get di power to pick one housemates wey go be her deputy and enjoy dis privilege with her.
As as fans of di reality TV show dey expect, Eric pick one of her paddy-paddy Terseer Kiddwaya AKA Kiddwaya and e “gladly accept.”
This is the look you get when your name is called for something good. Congratulations #BBKiddwaya on becoming Deputy Head of House!💫https://t.co/pqqgjkN1av#BBLiveBlog #BBNaija pic.twitter.com/nLFJbATJad
— Big Brother Naija (@BBNaija) August 10, 2020
Erica name Kiddwaya as her first choice followed by Laycon and later Ozo big brother say she no fit put Ozo for di list because im just leave di Head Of House position. so she come replace Ozo with Prince.
Housemates wey dey up for eviction dis week
14 housemates dey up for possible eviction dis week out of di 16 wey still remain for di house afta Erica pick her Kiddwaya as her deputy as e be say, she and her deputy don automatically get immunity.
See di full list:
- Victoria Adeyele AKA Vee
- Timmy Sinclair AKA Trikytee
- Ozoemena Chukwu AKA Ozo
- Nelson Enwerem Prince
- Lucy Essien
- Praise Nelson
- Dorathy Bachor
- Florence Wathoni Anyansi
- Ezekiel Bright Osemudiame AKA Brighto
- Aisha Umaru AKA Kaisha
- Emuobonuvie Akpofure AKA Neo
- Tolani Shobajo AKA Tolanibaj
- Olamilekan Agbeleshe AKA Laycon
- Rebecca Hampson AKA Nengi
On Sunday, Eric and Tochi comot for di house afta Ka3na and Lilo don bin comot last week Sunday.
Voting go start on Monday and end on Thursday.
