Kenyas dey mourn di death of Twelve pipo, wey die for one road accident wey happun for di Nithi Bridge area, Tharaka Nithi County.
Tharaka Nithi police say, pipo wey die include two pikin dem, eight women and two men.
Tharaka Nithi police commander Zaccheus Ng’eno confam di accident wey involve one private Toyota Hiace wey dem hire to go Nairobi and one Toyota Hilux wey dey drive towards di Chogoria.
“Na anoda dark evening wey we don get dis kain accident. We dey confam say we recover 12 bodies from di scene, and two oda wound,” Ng’eno tok.
Di oga for di county police say di tragic crash involve two vehicles wey bin dey go head to Nairobi and Meru.
Di pipo wey die for di Hiace na group of friends wey bin dey go back to Nairobi afta dem attend dia friend parental blessing ceremony for Meru.
Billionaire and founder of Mombasa cement for Kenya Hasmukh Patel don die
Wetin make Kenya youths go back to di streets as Ruto swear in new cabinet
Me-ow! Wetin to know about goment cat tax plans wey dey make pipo para
Ng’eno add say di driver wey bin dey drive di vehicle wey dey go Nairobi no sabi di road well-well.
Im comot from im lane and collide wit di oncoming car wey dey go Meru.
“Preliminary investigations show say di motor vehicle wey bin dey come from di Meru no dey use di road evritime.
We fit assume say di driver no use im lane as expected na why di head-on collision happun,” Ng’eno tok.
A whole chama was wiped out by a careless driver. Most likely the suspect will go unpunished. We need to be accountable for our actions and inactions especially from the authorities @ntsa_kenya @Ma3Route
12 people feared at Nithi Bridge in Tharaka Nithi. pic.twitter.com/LoPSDxkkvd
— Duke of Gatanga (@dnkariuki) September 1, 2024
Confirming the Saturday night incident, Tharaka Nithi County Police commander said deceased includes 10 adults (8 female & 2 male) and 2 children
The 2 survivors were rushed to Chogoria Mission Hospital and Chuka Hospital.
— Douglas Lekupuny (@DouglasLekupuny) September 1, 2024
Two survivors dey hospital-Police
Tori be say two pipo survive di accident but dem get different degrees of wound. Dem carry dem go hospitals for Chogoria and Chuka.
Di police draw ear give drivers to dey veri careful, especially wen dem dey pass new roads wey dem no sabi..
Tharaka Nithi County Fire and Rescue Department official Alex Mugambi also confam di accident.
Oga Mugambi warn members of di public make dm stop to dey gada around accident scenes, as e dey make rescue efforts hard and e dey also increase di chances of more accidents.
Dis no be di first time accident like dis dey happun for di Nithi bridge area.
Many years ago, at least 45 pipo bin die wen one bus plunge fall from bridge enta inside river for eastern Kenya.
Di bus bin dey travelling to di Indian Ocean port city of Mombasa wen di accident happun for evening.
Tori be say di high bridge wey pass thru di Nithi river for eastern Kenya get plenti black spots.
- List of additional cabinet secretary nominees President William Ruto announce for nationwide broadcast
- Fear dey catch me but I no fit go home – African domestic worker for Lebanon tok
- Who be Bishop Allan Kiuna, popular religious leader wey e death shake Kenya
