Di Super Eagles of Nigeria don draw wit Benin, Libya and Rwanda for Group D for di 2025 Caf Africa Cup of Nations qualifiers.
Afta di draw wia happun for South Africa, di Super Eagles get dis teams wia dem gatz to meet if dem for qualify for di competition wia go happun for Morocco.
For group F, Ghana go play wit Angola, Niger and Sudan.
Sudan bin dey coached currently by former Black Stars coach Kwesi Appiah.
Kwesi Appiah since im become di Sudan coach win 4 games wit one draw.
Defending champions cote D’ivoire go begin dia campaign for Group G wit Zambia, Sierra Leone and chad.
Di host nation dey group B wia dem dem gatz to face Gabon, Central Africa Republic and Lesotho.
Di qualifiers go begin in September to find di 24 teams wia go compete for di tournament.
Di tournament go happun on 21 December 2025 to 18 January 2026.
Group A
– Tunisia
– Madagascar
– Comoros
– Gambia
Group B
– Morocco
– Gabon
– Central African Republic
– Lesotho
Group C
– Egypt
– Cape Verde
– Mauritania
– Botswana
Group D
– Nigeria
– Benin
– Libya
– Rwanda
Group E
– Algeria
– Equatorial Guinea
– Togo
– Liberia
Group F
– Ghana
– Angola
– Sudan
– Niger
Group G
– Cote D’ivoire
– Zambia
– Sierra Leone
– Chad
Group H
– DR Congo
– Guinea
– Tanzania
– Ethiopia
Group I
– Mali
– Mozambique
– Guinea-Bissau
– Eswatini
Group J
– Cameroon
– Namibia
– Kenya
– Zimbabwe
Group K
– South Africa
– Uganda
– Congo
– South Sudan
Group L
– Senegal
– Burkina Faso
– Malawi
– Burundi
Which teams go qualify for di tournament
Di first and di second teams for all di 11 groups wia di host no dey play, go qualify for di competition.
For di group wia di host Morocco dey play, since di host don automatically qualify for di competition despite dia result for di qualifiers, two tins go happun.
If di host rank number one for dia group, dem go qualify togeda wit di team wey rank second.
If di host rank second or third or fourth afta di qualifiers, dem go qualify togeda wit di team wey rank first.
Morocco dey host di tournament
Di North African kontri dey prepare to host di tournament for di second time in dia history.
Despite say dem host di competition di first time for 1988, Morocco don become strong force for di continent wia dem reach 4th for di 2022 world cup.
Dem be di first African kontri to reach di semi-final of di world cup wey dem also be di first Arab nation to reach di semis of di world cup.
Since den, Morocco don invest for football infrastructure wey dem fit to host all kind tournaments.
Morocco don host di 2018 African Nations Championship (CHAN), di 2022 Women’s Africa cup of nations.
Dem also host di FIFA club world cup for February 2023.
For di 2025 Afcon, Morocco don dey promise state-of-di-art facilities as dem dey prepare to host di 2030 world cup togeda wit Spain and Portugal.
