Families of Celine Ndudim and Afiba Tandor dey appeal to goment to help dem find di two missing girls
Two months after Celine Ndudim and her friend Afiba Tandor miss, dia families still get hope say dem dey alive.
Di two girls go missing after dem go visit a friend of Celine, Andrew Amechi from Aba, Abia State for Southeastern Nigeria wey allegedly kidnap dem on 27 April, 2024.
Celine elder sister, Theresa Ndudim tell BBC Pidgin say despite di way her disappearance dey affect di family, dem hope say dem go receive her alive and well.
Dem want government to help find dem.
She last see her on 16 April 2024 wen di two of dem come visit her and dem go Port Harcourt to see Blessing before dem travel to Aba.
She add say di family no dey happy with di way police don handle dis mata since dem report to dem and di girls still dey missing till now two months later.
- ‘Which role dem play’ – Inspector-General of police order investigation of officers wey handle, Celine, Afiba an Andrew Ochekwo case
- How man allegedly sell im papa to ritualist for 1.8m naira
