Di bodi of late Ondo state Govnor Rotimi Akeredolu don touch down Akure, di Ondo state capital on Wednesday as part of di burial ceremonies dem don schedule for am.
Na 23 February, 2024 dem go bury di former govnor, Rotimi Akeredolu SAN.
Akeredolu bin die afta im battle wit cancer for Germany and dem bring im remains come back Nigeria on 5 January, 2024.
Di ceremonies to take am to im last resting place bin start on Thursday, 15 February.
Di final commendation service take place for Ibadan, Oyo state capital as dignitaries pay dia last respect on Tuesday.
For di All Saints Church Jericho Ibadan, crowd full as dem pray for di bodi of di late govnor.
Some pipo wey attend di service include Akeredolu wife, Betty Anyanwu Akeredolu, Justice Bolaji Olajuwon, Oluwarotimi Odunayo Akeredolu Jnr Babajide Akeredolu, Lady Ifeoma Atuegwu, Dr Teniola Akeredolu-Micheals and Pastor Kola Akeredolu.
Odas wey come include di deputy govnor of Ondo state, Dr. Olayide Adelami, former govnor of Ekiti state, Kayode Fayemi, former deputy govnor of Osun state, Sen. Iyiola Omisore, speaker House of Assembly Ondo state, Olamide Oladiji, APC Chairman, Ondo state, Ade Adetimehin and top goment functionaries.
Di atmosphere dey very sober wen di bodi of late Akeredolu bin enta di church.
Timeline: How Akeredolu burial go happun
Thursday 15 February, 2024:
Winning Soul Crusade for MKO Abiola Democracy Park, Akure
Friday 16 February:
Jumat Service for Akure Central Mosque
Saturday, 17 February
Loyola Day of Tributes for Loyola College Hall,
Sunday, 18 February:
OAU Night of Tributes
Monday, 19 February:
Special Court Session
Tuesday, 20 February:
Commendation Service
Private Viewing (Strictly By Invitation)
Wednesday, 21 February:
Ajabue (Traditional Rites)
Special Court Session
Lying in State and Commendation Service
Evening of Tributes
Thursday, 22 February:
Service of Songs
Wake-Keep
Candlelight Procession & World Gyration
Friday, 23 February:
Funeral Service
Interment go follow immediately afta di burial service for di burial site, Owo. (Strictly for immediate family)
Saturday, 24 February:
Akeredolu Memorial Friendly football match
Sunday, 25 February:
Thanksgiving Service
Fotos from di commendation service
Ondo declare public holiday
Ondo State govnor Lucky Aiyedatiwa, bin delcare February, Thursday 22 and Friday 23, as public holidays for di state.
Aiyedatiwa say na to honour dia late govnor.
- How di burial arrangement of former Ondo state govnor Rotimi Akeredolu go take waka
- President Tinubu, oda dignitaries pay tributes to Ondo state Govnor Rotimi Akeredolu wey die afta a battle wit cancer
- Afta all di drama Rotimi Akeredolu finally approve deputy to be acting govnor
