How di burial arrangement of former Ondo state govnor Rotimi Akeredolu go take waka

Dem go bury di former Ondo state govnor, Rotimi Akeredolu SAN on 23 February, 2024.

Dis na according to one funeral timetable di family of late Akeredolu release on Monday evening.

Akeredolu wey become govnor on February 2017 die on 27 December, 2023 afta e battle wit prostate cancer for several months.

E die during medical treatment for Germany and dem bring im remains come back Nigeria on 5 January, 2024.

One statement on di ex-govnor page Facebook page wey im eldest son, Oluwarotimi Akeredolu Jnr. sign reveal say, di funeral arrangements go start on Thursday, 15 February to 26 February for Ibadan, Oyo state capital, Akure, Ondo state capital and finally for Owo, im hometown for Ondo state.

“Di entire Akeredolu family wish to extend our deepest appreciation to all those wey extend dia condolence and support to us during dis trying time.

“Your love and kindness serve as powerful catalysts, strengthening our unshakeable faith in God Almighty and reaffirming our commitment to serving humanity.

“As we prepare to celebrate di life of a man wey carry numerous admirable qualities and left an indelible mark, we humbly request your prayers, support, and encouragement.” E tok for statement.

CELEBRATION OF A REMARKABLE LIFE

With hearts overflowing with gratitude, the entire Akeredolu family wishes to…

Posted by Rotimi Akeredolu Aketi on Monday, January 22, 2024