Nigeria senate don reveal di names of more ministerial nominees for President Bola Tinubu cabinet afta im chief of staff, Femi Gbajabiamila, present di second list of di nominees give di senate.
Dis time, na 19 names dey di new list.
Top among di nominees na di former Govnor of Osun state, Gboyega Oyetola, former Plateau state Govnor, Simon Lalong, former Zmafara state Govnor, Bello Matawalle and odas.
Di lawmakers bin suspend di rules of di chamber at 3:15 pm on Wednesday to allow di chief of staff enta di hallow red chamber to present di list.
E submit di list to di Senate President, Godswill Akpabio.
President Bola Tinubu on Thursday, 27 July bin send twenty-eight ministerial nominees give di senate for screening.
Di senate begin di ministerial screening on Monday 31 July and dem don screen about 18 of dem so far
Part of those wey dem don screen na di immediate former Govnor of Rivers state, Nyesom Wike and im colleagues from Kaduna state Nasir El-Rufai and former Ebonyi state Govnor, David Umahi.
Betta Edu, Uju Kennedy-Ohaneye, Abubakar Badaru, Abubakar Kyari, Dele Alake, and among odas too don take a bow afta senate screen dem.
Ministerial nominees for new list
Ahmed Tijani
Bosun Tijani
Dr Maryam Shetti
Ishak Salako
Tunji Alausa
Tanko Sununu
Adegboyega Oyetola
Atiku Bagudu
Bello Matawalle
Ibrahim Gaidam
Simon Bako Lalong
Lola Ade-John
Shuaibu Abubakar
Tahir Mamman
Aliyu Sabi
Alkali Ahmed
Heineken Lokpobiri
Uba Maigari
Zephaniah Jissalo
