Manchester United don sama Everton 2-0 for Old Trafford as dem retain dia third position for di English Premier League table on 8 March.
Dis dey come as di Red Devils dey continue dia fight for a Champions League place.
Erik ten Hag men welcome relegation strugglers Everton to Old Trafford dis afternoon afta dem try beat Brentford for midweek.
Na Scott McTominay net di first goal for Man U for first half, while Anthony Martial score di second goal for second half.
Second half kick-off, Man Utd 1-0 Everton
90+3 mins FULL-TIME
Man Utd 2-0 Everton
A comfortable Manchester United win wey suppose be an emphatic one.
E don strengthen dia place in di top four, six points ahead of fifth-placed Spurs.
Everton gazz sit and watch dia relegation rivals to see how damaging dis loss go be?
90+2 mins
Man Utd 2-0 Everton
Jordan Pickford get down low to push di ball away from Tyrell Malacia. Soon after, im dive to save a shot from di same player.
The Everton keeper has done all he can today.
90 mins
Man Utd 2-0 Everton
Christian Eriksen try to add a cherry on top for Manchester United but afta latching on to a low corner wey dem play to am near di penalty spot, dem block im shot.
89 mins
Man Utd 2-0 Everton
Di Everton body language tell you say dem know dia race dey run here.
Just to keep am 2-0 go be di plan.
87 mins
SUBSTITUTION
Man Utd 2-0 Everton
Seamus Coleman’s difficult afternoon don dey ova.
Nathan Patterson don replace am as im limp a bit.
86 mins
Man Utd 2-0 Everton
Seamus Coleman almost gift Manchester United anoda goal wit some poor control. Im takcle Scott McTominay before Bruno Fernandes fire a shot straight at Jordan Pickford.
85 mins
Man Utd 2-0 Everton
Chance!
Scott McTominay pick out Bruno Fernandes at di back post but e only fit head straight at Jordan Pickford.
84 mins
Man Utd 2-0 Everton
Tom Davies fly in late on Fred. Na foul but Michael Oliver keep im cards inside im wallet. Still neva get a booking for di game.
83 mins
Man Utd 2-0 Everton
If Everton get any hope of getting sometin from dis, dem gazz score very, very soon.
Dem still dey put in di work, but dem no dey hurt di home side.
80 mins SUBSTITUTION
Man Utd 2-0 Everton
Marcus Rashford no go continue. No point to take further risk at 2-0 up, but nobody from Man Utd go wan see di forward out of di pitch for any length of time.
Wout Weghorst don enta as Rashford limp towards di tunnel.
79 mins
Man Utd 2-0 Everton
Seamus Coleman try to make amends for im error wit effort from range wey David de Gea save.
78 mins
Man Utd 2-0 Everton
Dis fit take di shine off.
Marcus Rashford pull sometin as im try to reach di ball wey go out for a goal-kick.
Di game continue as im dey off di field as e go need treatment.
73 mins
Man Utd 2-0 Everton
Dis na Anthony Martial’s first Premier League goal since December.
E love to dey playing Everton. E don dey involved for 12 goals in 16 appearances for Manchester United against Everton for all competitions (8 goals, 4 assists), im most goal involvements against any opponent for di Red Devils.
71 mins GOAL – Man Utd 2-0 Everton
Anthony Martial
Game over, surely!
70 mins
SUBSTITUTION
Man Utd 1-0 Everton
Ellis Simms komot for Neal Maupay to enta.
66 mins
Man Utd 1-0 Everton
Everton know dia best route back into dis by giving di home side a physical challenge for di back.
A couple of corners threaten trouble but United dey able to get di second away. Dem get am away well sef as e set up a break…
65 mins
Man Utd 1-0 Everton
James Tarkowski na forward for Everton and im dey cause kasala.
Im header down allow Ellis Simms to fire a shot wey dey blocked before Alex Iwobi follow up for one effort wey deflect behind.
64 mins
Man Utd 1-0 Everton
Wetin dey happun?!
Scott McTominay give Seamus Coleman a little shunt with im knee afta di Everton defender don drop on di ground. Some players gada to dey shove before di referee come ova to sort am out.
Dem no take any further action.
62 mins
Man Utd 1-0 Everton
Jordan Pickford dey forced from im goal to gada di ball and stop Marcus Rashford latching on to anoda chipped ball forward from Bruno Fernandes.
61 mins
Man Utd 1-0 Everton
So, no Abdoulaye Doucoure for Everton today. Now no Idrissa Gueye or Amadou Onana sef.
SUBSTITUTIONS
Man Utd 1-0 Everton
More Everton changes. Sean Dyche remodel im midfield, as Tom Davies and ex-United man James Garner come in for Idrissa Gueye and Amadou Onana.
Di home side also change players as Anthony replace Antony Martial.
56 mins
Man Utd 1-0 Everton
Set-pieces remain di most consistent source of danger from Everton.
Antony commit foul near im own box and e allow di visitors to whip in a cross wey James Tarkowski head ova.
55 mins
Man Utd 1-0 Everton
Everton finally get hold of di ball for one meaningful area. Alex Iwobi carri am towards di United box and find Ellis Simms, but dem block im shot from range.
54 mins
Man Utd 1-0 Everton
Manchester United guilty of too many touch.
Marcus Rashford fail to get im shot away near di edge of di box, and im invite a tackle. Everton no fit fully clear and di England forward almost get a second bite of di cherry until dem flag am offside.
52 mins
Man Utd 1-0 Everton
No be say Manchester United dey just dey get majority of possession, dem also dey tougher for di tackle at di moment to win am back.
Everton dey really struggle for any kind of foothold.
50 mins
Man Utd 1-0 Everton
Ellis Simms dey fight battle battle for Everton. Dis na tough job for di kid.
49 mins
Man Utd 1-0 Everton
David de Gea neva make a save. Ellis Simms suppose force am to make a save.
47 mins
Man Utd 1-0 Everton
Manchester United drive drive one low cross into di box but Everton hack am away.
We don come back!
Everton don change players. Left-back Vitalii Mykolenko enta for Ben Godfrey, wey bin get tough time for first half.
First half kick-off, Man Utd 0-0 Everton
45+2 mins
HALF-TIME
Man Utd 1-0 Everton
Manchester United lead, but make dem no dey out of sight. Dem go dey confident of adding more goals afta di break.
Sean Dyche gazz find a way to stem di tide first and den find a way back in to dis.
45+1 mins
Man Utd 1-0 Everton
Save!
Antony take im time, pick im spot and den shoot but Jordan Pickford push am away on di dive.
From di resulting corner, Lisandro Martinez fire wide.
43 mins
Man Utd 1-0 Everton
Back to Manchester United on di front foot.
Aaron Wan-Bissaka – wey dey get beta game – sees as shot deflect ova.
42 mins
Man Utd 1-0 Everton
E get a little bit of ambition wey Everton need.
Dwight McNeil dey set up on di right side of di box for a shot from range wey dem block.
40 mins
Man Utd 1-0 Everton
You no fit say Manchester United no deserve di lead. E no suppose to take dem dis long to find am.
37 mins
GOAL – Man Utd 1-0 Everton
Scott McTominay
Finally, don tell!
Everton no fit get di ball away as Marcus Rashford carri am across di 18-yard line. Dem feed di ball to creator-in-chief Bruno Fernandes, wey pass for di charging Scott McTominay to finish am.
33 mins
Man Utd 0-0 Everton
Bruno Fernandes dey play deep for di midfield but im dey pull more strings dan Geppetto.
Im start anoda attack wit a chipped ball down di right wey end wit am also fireing one shot ova from range.
29 mins
Man Utd 0-0 Everton
How dis match still dey goalless?!
Bruno Fernandes chip one lovely ball ova di top for Marcus Rashford to reach. Im reach di ball first, but im no fit finish am past advancing Jordan Pickford.
27 mins
Man Utd 0-0 Everton
Marcus Rashford na di latest man to see a shot blocked for di Everton box.
So many chances dey, but na zero goals dey.
26 mins
Man Utd 0-0 Everton
Almost a repeat of di Anthony chance from few moments ago!
Dis time na David de Gea’s quick thinking to release am. Ben Godfrey also get back on dis occasion to produce tackle wey im perfectly time.
24 mins
Man Utd 0-0 Everton
E suppose be 1-0
Bruno Fernandes float one correct wonderful pass over Ben Godfrey to release Anthony. E charge in on di goal from di left but im shot lack precision and Jordan Pickford save am.
Surely, we go get one goal soon!
22 mins
Man Utd 0-0 Everton
Dis na really good game.
20 mins
Man Utd 0-0 Everton
Oh, big miss!
Ellis Simms miss sometin wey suppose be goal.
Zero conviction.
18 mins
Man Utd 0-0 Everton
Dis na chance for Everton.
Demarai Gray dey fouled by Tyrell Malacia on di right, near di home box. Dis go go into di danger zone.
12 mins
Man Utd 0-0 Everton
Excellent work from Alex Iwobi!
Anthony drive through di middle and find Marcus Rashford for di box. Just as im dey shape to shoot, Iwobi step in to tackle and concede a corner.
9 mins
Man Utd 0-0 Everton
Save!
Marcus Rashford play low shot wey Everton keeper palm away.
Really good chance.
7 mins
Man Utd 0-0 Everton
And now Everton get corner from a nice little move wey see dem shift di ball right to left.
5 mins
Man Utd 0-0 Everton
3 mins
Man Utd 0-0 Everton
Close!
Manchester United first chance sees Jadon Sancho tuck di ball inside to Marcel Sabitzer, wey turn and fire and see im shot deflect just wide.
1 min – match don start
Man Utd 0-0 Everton
Early half-chance for Everton.
Alex Iwobi play cross into di box and Ellis Simms go for volley wey dem block.
Line-ups Man Utd Formation 4-2-3-1
1 de Gea
29 Wan-Bissaka
5 Maguire
6 Li Martínez
12 Malacia
39 McTominay
8 Bruno Fernandes
21 Antony
15 Sabitzer
25 Sancho
10 Rashford
Substitutes
2 Lindelöf
9 Martial
14 Eriksen
17 Fred
19 Varane
20 Dalot
27 Weghorst
28 Pellistri
31 Butland
Everton Formation 4-1-4-1
1 Pickford
23 Coleman
5 Keane
2 Tarkowski
22 Godfrey
27 Gueye
11 Gray
17 Iwobi
8 Onana
7 McNeil
50 Simms
Substitutes
3 Patterson
4 Holgate
13 Mina
15 Begovic
19 Mykolenko
20 Maupay
26 Davies
30 Coady
37 Garner
Manchester United vs Everton team news
Manchester United midfielder Christian Eriksen go dey available for di first time since January afta e recover from ankle injury.
Luke Shaw dey out wit a thigh problem and Casemiro still dey observe im suspension.
Everton fit dey forced to change dia starting line-up for di first time in five Premier League games due to Abdoulaye Doucoure three-game ban.
Ruben Vinagre don overcome one Achilles problem, while Dominic Calvert-Lewin continue to build im fitness.
Manchester United vs Everton prediction
Football sabi pesin Chris Sutton say Manchester United no dey free-flowing at di moment but dem still try beat Brentford on Wednesday.
E say United dey decent position to make di top four as Tottenham no dey do well, but e dey important for dem to keep pushing on, especially for home.
Everton no go make am easy for dem and since Dyche take charge for January, dem carry more of a threat now, especially from set-plays – but United go still win.
Prediction: 2-1
