Kenyan reporter and TV anchor Victoria Rubadiri don win di 2020 BBC World News Komla Dumor Award.
Rubadiri na presenter wit Citizen TV in Kenya, wia she dey host di station primetime shows dem.
She be East African journalist wey get plenty talent and she don interview some of di big big pipo for Africa politics and current affairs.
Dem do di award to take honour Komla Dumor, di presenter for BBC World News, wey die suddenly at age 41 for 2014.
Rubadiri na winner number 6 of di award, after Solomon Serwanjja, Waihiga Mwaura, Amina Yuguda, Didi Akinyelure and Nancy Kacungira. She na di second Kenyan to win am.
Rubadiri go begin her three-month placement for di BBC wit training course for di BBC Academy before she go join di BBC News teams – for TV, radio and online. She go use dis one get experience and gain skills BBC News platforms.
“Komla na well-rounded journalist wey im style, though e dey strong, also dey compassionate, empathetic and uplifting. Im ability to give di facts well-well, and yet still be know wetin im audience want, na something wey I admire and skill wey I wan learn,” tok Rubadiri.
She impress di judges with with how she dey tok well and di passion she get to tell African stories on both traditional media platforms and social media.
“We dey delighted to get Victoria with use as she go bring her insights and passion to di BBC,” tok Jamie Angus, Director of BBC World Service Group.
