Di pre-tournament favourites Morocco begin dia 2023 Africa Cup of Nations campaign strong wit win ova 10-man Tanzania for Group F.
Di Atlas Lions bin take di lead 30 minutes into di game wen Romain Saiss pounce afta Hakim Ziyech play hot free-kick wey di goalkeeper palm back to dangerous area.
Tanzania Novatus Miroshi bin chop red card wit 20 minutes left to play.
Afta dat incident na im Azzedine Ounahi double di North African lead wit im cool finish.
Youssef En-Nesyri convert Achraf Hakimi cross to seal dia victory.
Check out di match highlights for here.
Second half
90+7mins- Referee dlow im whistle to end di match.
90+7 mins- Amine Adli cross di ball cross inside di box from free kick, but di defence clear am.
90+6 mins- Mohamed Husseini don collect yellow card
90+2 mins- Morocco fail to take advantage of di corner as di defence dey alert to clear di danger
90+1 mins- Amine Adli find himself for promising position. Im run towards di goal waya shot from just outside di penalty area but di goalkeeper save di shot.
90 mins- 7 min. of added time.
87 mins- Morocco get free kick but di ball no worry Tanzania
86 mins- Poor pass from Mohamed Chibi inside di box but one of di defenders block di pass
84 mins- Sofiane Boufal go replace Azzedine Ounahi.
84 mins- Substitution! Hakim Ziyech don comot and Ayoub El Kaabi take im place
83 mins- Allaou Mahamat stand by im original decision afta VAR review. No foul so di goal stands!
80 mins- Goal! 3 – 0
Youssef En Nesyri shot too hot for di goalkeeper!
77 mins- GOAL! 2 – 0
Azzedine Ounahi score Morocco second goal.
75 mins- Sofyan Amrabat dom commit foul, referee don blow im whistle
72 mins- Substitution! Selim Amallah don comot and Bilal El Khannouss don enta
71 mins- Novatus Miroshi don collect a second yellow card and dat mean red card.
69 mins- Substitution! Feisal Salum go replace Mbwana Samatta.
67 mins- PENALTY APPEAL afta Abde Ezzalzouli go down from tackle from di defender. All di players dey chase di referee but im no dey for dia penalty claim. Play don continue.
67 mins- Dat na fine pass from Azzedine Ounahi. Im shot from di edge of the box, but e go high ova di bar.
65 mins- Abde Ezzalzouli dey okay again afta di injury scare.
63 mins- Tanzania players don really tackle Abde Ezzalzouli well- well for dis match
62 mins- Charles M’Mombwa don collect yellow card from di referee.
62 mins- Mohamed Chibi don collect yellow card.
60 mins- Youssef En Nesyri to break free, but di defender clear di ball.
57 mins- Hakim Ziyech dribble pass one challenge, but im no fit pass to im teamates
56 mins- Azzedine Ounahi no fit continue to play.
54 mins- Azzedine Ounahi deyreceive medical treatment for pitch
54 mins- Dangerous play from Novatus Miroshi referee don blow im whistle for foul.
52 mins- Romain Saiss don collect yellow card for bringing down im opponent.
51 mins- Youssef En Nesyri meets di cross from di flank and shot from around di penalty spot, but di ball fly wide of di left post.
50 mins- Novatus Miroshi play very weak corner kick.
48 mins- Morice Abraham cross into di area, but Bono catch di ball.
47 mins- Poor attempt! Novatus Miroshi shot towards goal – Dis time on dey far out. Di ball go straight to di stands.
46 mins- Game don start again
First half
45+4 mins- Allaou Mahamat don blow im whistle to end di first-half.
45+1 mins- 3 additional mins.
44 mins-Referee blow im whistle sake of Mbwana Samatta foul
39 mins- Abde Ezzalzouli hot shot at goal rise just over di bar.
38 mins- Substitution! Simon Msuva don comot for Tarryn Allarakhia.
36 mins- Achraf Hakimi take di corner kick but one of di defenders make good clearance.
36 mins- Hakim Ziyech receive low pass just outside di box and fire fine shot for di right post but di keeper save di ball
33 mins- Hakim Ziyech take di free kick.
32 mins- Novatus Miroshi don collect yellow card for im rough tackle
30 mins- 1 – 0
Goal! Romain Saiss fire di ball inside di bottom left corner afta di goalkeeper punch Ziyech hot free kick .
28 mins-Fine pass inside di box from Abde Ezzalzouli but di defence block am.
26 mins – Game don start again
28 mins-E be like say Bakari Mwamnyeto no collect red card for im bad tackle.
23 mins – Referee don stop play for cooling break
22 mins – Yellow card for Himid Mao Mkami
19 mins- Hakim Ziyech dribble im man but im no fit keep di ball in play.
15 mins- Morocco dey enjoy possession.
13 mins- Youssef En Nesyri escape without any punishment from di referee afta im cause foul.
11 mins- Mudathir Yahya dangerous play make referee Allaou Mahamat don blow im whistle for a foul.
10 mins- Youssef En Nesyri find space inside di box but im play weak shot to di left post.
9 mins- Azzedine Ounahi dribble im way past challenges, but one defender dey alert to clear di ball
6 mins- Tanzania fail to score from di corner as Bono catch di ball.
5 mins – Mohamed Husseini cross ball inside di penalty area, but one of di defenders din dey alert to clear am away. Tanzania get corner kick.
4 mins- Mohamed Chibi make strong challenge but referee Allaou Mahamat blow im whistle for foul.
2 mins- Free kick to Tanzania inside dia half
1 min- Game don start
Morocco lineup
Morocco XI: Bounou; Hakimi, Aguerd, Saiss, Chibi; Ounahi, Amrabat, Amallah; Ziyech, Ezzalzouli, En-Nesyri
Tanzania lineup
Tanzania XI: Manula; Mnoga, Miroshi, Hamad, Nondo; Hussein, Mao, Abbas, M’Mombwa; Samatta, Allarakhia
Match preview
Di Atlas Lions begin dia Afcon 2023 campaign on Thursday evening wen dem jam Tanzania for dia Group F opening match.
Tanzania dey ranked 121 for Fifa ranking, while Morocco dey ranked 13.
Dem be di highest ranked African team wey dey participate for Cote d’Ivoire.
Last year, Morocco set record to become di first Arab and African kontri to reach a Fifa World Cup semi-final for Qatar 2022.
Dem dey under pressure to carry dat same form come di Africa Cup of Nations.
But dia coach Walid Regragui dey veri careful about di hype, sake of di nation history of crashing out unexpectedly afta dem tip dem as favourite.
Morocco na one of di 12 kontris out of di 24-team wey dey di tournament wey don win di trophy before, but na long time ago for 1976.
Meanwhile for Tanzania, dis na dia third appearance for di competition afta dem bin take part for 1980 and 2019.
Dem bin finish bottom of dia group on both occasions, losing five of dia six matches and draw one, so dem neva achieve any win.
Dis game no go easy against for Tanzania sake of di kain stars wey Morocco get for dia team especially as e be say dem neva keep clean sheet across all dia Afcon matches.
Na only Zimbabwe wey don play 15 games, Mozambique wit 12 games and Namibia wit 9 games for dis competition wey dey witout clean sheet.
Tanzania don score di fewest goals of all 24 teams during di qualifiers – three for six matches.
