Roberto Firmino score dramatic late equaliser as Arsenal lead for di top of di Premier League reduce to six points in dia encounter wit Liverpool for Anfield.
Di Gunners bin dey cruise control wit a two-goal lead inside di first half-hour as dem go in search for dia first win for Liverpool since 2012, but dem dey bitterly disappointed as dem pay di price for losing dia discipline at a crucial time.
Na Gabriel Martinelli put Arsenal ahead afta just eight minutes den Gabriel Jesus make am two afta e beat Virgil van Dijk and Andy Robertson.
Liverpool spark into life afta a flashpoint between Granit Xhaka and Trent Alexander-Arnold late in di first half, Mohamed Salah scoring for di far post just bifor di break to set up a thriller.
In a dramatic second half, Salah miss im second successive penalty wen e shoot wide afta Rob Holding foul Diogo Jota bifor Firmino rise at di far post to head home Alexander-Arnold cross wit three minutes left.
Dis one mean say di destiny of di title now dey Manchester City hand as dem get one game in hand.
Arsenal squander perfect position bifor Ramsdale become hero
Arsenal players fall yakata for ground in disappointment wen Firmino reach di far post to head in di perfect delivery from Alexander-Arnold.
But na dem cause wetin happun to dem afta dem throway di calm control dem bin demonstrate for much of di first half by needlessly making Liverpool and di Anfield crowd vex, afta which di home side dey unrecognisable.
Di fact say Arsenal come away wit even a point na thanks to a remarkable display by Ramsdale, wey emerge as di heroic figure to repeatedly deny Liverpool attack wey dey ginger anyhow and secure a draw wey fit prove vital in di outcome of dis title race.
E save well as Nunez race clear but e kept DI best for last wit a flying fingertip save from Salah deflected curling effort, bIfor somehow E keep out Konate attempt to bundle home DI winner from practically on DI goal line wit only few seconds remaining.
