Afghanistan Taliban goment dey beg for more international help to cope with di ogbonge earthquake wey reports say don kill at least 1,000 pipo.
Di ogbonge 6.1 magnitude earthquake strike near di city of Khost, and as far away as Pakistan and India feel di shakes.
Rescue teams dey run around to save those wey trap under di remains, but efforts dey slowed down by heavy rain, and no enough infrastructure and resources.
One powerful earthquake don kill at least 250 pipo and leave many injured for Afghanistan, one local official don tell BBC.
Fotos wey dem bin share ontop social media show pipo ontop stretchers, rubble and homes wey destroy for Paktika province.
Di quake strike about 44km (27 miles) from di south-eastern city of Khost.