Fifty nine pipo don die for Nigeria for di first six weeks of 2022 sake of Lassa fever , according to di kontri centre for disease control, NCDC.
Di agency tok say di dead pipo bin comot from di 358 pipo wey catch di viral haemorrhagic fever for dis period.
- Lassa Fever death for Nigeria don increase to 103 and spread go 26 states
- Four pipo die, more dan 100 land hospital afta dem drink ‘fake’ lemo drink for Kano
Dis na apart from di 27 healthcare workers wey catch di disease.
Di cases bin come from 19 states and 65 local goment areas for di kontri.
More than 70% of di cases bin come from three states wey be: Ondo (115), Edo (83), and Bauchi (64).
![Number of cases](https://pidgin.informationng.com/wp-content/uploads/2022/02/123452317_lassa_fever_figures_pidgin_figures_640-nc.png)
Lassa fever na disease wey pipo dey like describe as di cousin of Ebola virus and e dey cause endemic for di for some West African states.
Pipo wey di disease affect dey usually from symptoms wey resemble di flu and fit spread for di infected pesin bodily fluids.
Pesin fit catch am afta dem do touch or chop food or household items wey ifect rat don poo-poo or piss on.
![Lassa Fever map](https://pidgin.informationng.com/wp-content/uploads/2022/02/123452319_lassa_fever_figures_pidgin_map_640-nc.png)
World Health Organisation say di cases of Lassa fever dey increase pass for di dry season, from December to April.
Di health joinbodI add say dem dey expect say di number of cases go continue to dey rise till di end of di dry season.
For di sixth week of dis year, NCDC report 77 new cases wey go be di highest wey dem don find.
![Lassa Fever cases](https://pidgin.informationng.com/wp-content/uploads/2022/02/123452322_lassa_fever_figures_pidgin_week_chart_640-nc.png)
Di pipo wey do catch di disease pass dey between di ages of 21-30 years and na man dey catch am pass woman.
Although most of di pipo wey catch am, dey recover fully, serious cases fit kill pesin as Lassa fever no get vaccine.