Liverpool beat Manchester United 7-0 for Premier League on Sunday.
Di Reds deliver ogbonge performance and Mohamed Salah don become di club record Premier League goalscorer.
Di Egyptian score two score goals for di match afta Cody Gakpo and Darwin Nunez score twice before Firmino score dia seventh goal.
Jurgen Klopp team play very well especially for di second half.
Dis victory na Liverpool biggest win against Man United.
Di result mean say Liverpool dey fifth position for table three points behind Tottenham and wit a game in hand.
For United, dem still maintain dia third position for table.
See di breakdown of how di match waka for Anfield.
Second Half
Full time- 7-0
90+2 mins- Bruno Fernandes play di free kick but Liverpool clear am
90 mins- 3 additional min.
83 mins- 6 – 0
Goal! Mohamed Salah coolly slot ball home afta a fine team effort.
79 mins- Substitution. James Milner in, Fabinho out.
79 mins- Jurgen Klopp decide to make a substitution. Diogo Jota go replace Darwin Nunez.
75 mins- 5 – 0
Goal! Jordan Henderson play neat pass inside di box for Darwin Nunez to score im second goal.
68 mins– Foul by Luke Shaw and Andy Madley blow im whistle.
66 mins– 4 – 0
GOAL! Mohamed Salah score dia. Im shot go in off di crossbar.
64 mins– Scot McTominay collect yellow card.
62 mins– Liverpool play short corner. Dem pass di ball to dia teammate wey dey nearby.
61 mins– Booking. Lisandro Martinez chop yellow card from di referee.
59 mins– Erik ten Hag prepare to make substitution. Scott McTominay replace Fred.
59 mins– Di manager make substitution – Alejandro Garnacho dey come in for Wout Weghorst.
56 mins– Bruno Fernandes attempt to find Marcus Rashford, but di pass too strong.
55 mins– Andrew Robertson cross, but United clear di ball to safety.
53 mins– Antony don collect yellow card from di referee.
50 mins- 3 – 0
Goal – 3:0! Mohamed Salah pass to Cody Gakpo inside di box and im roll di ball inside di bottom left corner pass David de Gea.
48 mins- 2 – 0
Goal! Darwin Nunez coolly pass di ball past United goalkeeper.
45 mins– Second half don start.
First Half
45+2 mins– Halftime referee don blow im whistle
45 mins– Di fourth official show 1 min of added time.
45 mins– Wout Weghorst dey offside position and di referee stop play afta im linesman raise im flag.
43 mins– 1 – 0
Goal – 1:0! Andrew Robertson pass to Cody Gakpo inside di box and im roll di ball inside di net.
41 mins– Yellow card go to Fabinho
38 mins– Antony play long ball forward to Diogo Dalot, but im put too much power and di chance don pass.
37 mins– Casemiro passing accuracy na just 42.9% so far.
35 mins– Darwin Nunez attempt to play a quick pass inside di box, but Cody Gakpo no fit dribble pass United defence.
33 mins– Diogo Dalot show brilliant awareness inside di six-yard box and jump high to meet di free kick. E try to put im header for di middle of di goal but Alisson keep di ball out.
32 mins- Cody Gakpo manage to dispossess im opponent from di ball, but im commit foul and referee don blow im whistle.
31 mins- Andrew Robertson play di free kick from long range but di defence dey alert.
30 mins– Andy Madley, di referee stop di game for a tactical foul by Luke Shaw.
28 mins- Marcus Rashford aim for di middle of di goal, but di goalkeeper save di ball.
27 mins- Bruno Fernandes wast chance to score! Im header miss target.
24 mins– Andrew Robertson take di corner but Man United defence clear di ball.
21 mins– Luke Shaw roll di ball short to im teammate from di corner instead of crossing di ball inside di box.
21 mins- Manchester United Marcus Rashford fire di ball inside di box from di side of di pitch, but im cross dey blocked.
18 mins– Manchester United Antony chop foul for holding Andy Madley.
14 mins– Liverpool Mohamed Salah play shot from di edge of di box but di shot na off target
12 mins– Right idea from Fred as im try to pass di ball through di Liverpool midfield and defence to release Marcus Rashford but di Reds’ defence block di pass
11 mins– Sometin dey wrong with Casemiro? Some of im passes no dey enta
10 mins– Manchester United Antony shoot towards di bottom left corner of di box But di shot weak.
7mins– Liverpool Andrew Robertson take corner wey Man United clear.
5 mins– Liverpool goalkeeper save Manchester United free kick.
3 mins– Liverpool Trent Alexander-Arnold cross inside di box but United defender clear di ball.
2 mins– Manchester United Casemiro tackle down im opponent.
1 min– Match don start
Liverpool vs Man United Prediction
Manchester United bin find am tough against West Ham for di FA Cup on Wednesday.
Na wetin BBC football sabi pesin Chris Sutton tok.
Chris say dem change di game wen dem bring on Casemiro and Marcus Rashford.
Liverpool no fit do dat right now, di turnaround – for different reasons, good and bad – for both teams since di start of season dey unbelievable.
Jurgen Klopp side don keep a couple of clean sheets in a row now, against Crystal Palace and Wolves, wey dey important for dem but dat no be big deal because neither of those teams get strong attack.
Make I put am dis way, I no feel say Liverpool go keep Rashford quiet on Sunday. Dem dey weak for midfield and dia back dey open, United go take advantage of dat.
Prediction: 1-2
