John Pombe Magufuli dead: Tanzania leader die afta COVID-19 concerns – Samia Suluhu explain cause of death

"Magufuli death"

Getty Images
John Pombe Magufuli bin dey popular wit di nickname “The Bulldozer” sake of how Tanzania pipo see am alias him reputation for pushing through policies despite opposition.

Tanzania President John Pombe Joseph Magufuli AKA “The Bulldozer” don die.

Di Vice President Samia Hassan Suluhu [now interim president] confam di death for one statement wey she issue live on national television network [Tanzania Broadcasting Corporation].

“Na wit deep regret I dey inform you say today… we lost our brave leader, di president of di Republic of Tanzania, John Pombe Joseph Magufuli,” Vice-President Samia Suluhu tok inside di announcement.

Magufuli die on Wednesday around 6.00 pm, Tanzania local time [15:00 GMT on 17 March, 2021], from heart complication, for Mzena hospital wey dey di commercial Capital, Dar es Salaam.

According to di Vice President, di Tanzania leader fall sick on di 14th of March and dem admit am for di hospital wia e die.

Magufuli bin get dis condition for more than 10 years.

"Magufuli dead" [Kifo cha Rais Magufuli]: Death of President John Magufuli

Getty Images
President Magufuli bin win Tanzania presidential election for second time in October last year

Late John Pombe Magufuli AKA “The Bulldozer” die for di age of 61 years.

Di Vice President also announce say do kontri go get into 14-day period of mourning as arrangements for di burial dey go on.

During dis period, all flags for Tanzania go fly at half-mast, Hassan add.

John Pombe Magufuli: Tanzania leader "Magufuli death"

Getty Images
John Pombe Magufuli

[Magufuli death]: Late President John Pombe Magufuli profile

  • Born in Chato, north-west Tanzania, in 1959
  • President John Pombe Magufuli study chemistry and maths for di University of Dar es Salaam
  • Work as a chemistry and maths teacher
  • John Magufuli first get elected as an MP in 1995
  • Magufuli become a cabinet minister for year 2000
  • “The Bulldozer” first win election as president in 2015
  • Late Magufuli bin win second term in 2020
"Magufuli dead" [Kifo cha Rais Magufuli]: Death of President John Magufuli

AFP

Di death of Magufuli dey come afta weeks of speculation about im whereabouts as some pipo begin suspect weda dem hospitalise am for Covid-19.

Last week, reports bin spread say Tanzania president dey go through treatment for Kenya.

After hours of plenti tok-tok for social media on weda Magufuli dey admission for Nairobi Hospital with Covid-19, di goment on March 10 come later put out one statement say e no dey for Kenya.

Magufuli death na Tanzania breaking news now across di East African knotri.

"Magufuli dead" [Kifo cha Rais Magufuli]: Death of President John Magufuli

Reuters

John Pombe Magufuli bin dey popular wit di nickname “The Bulldozer” sake of how Tanzania pipo see am alias him reputation for pushing through policies despite opposition.

Magufuli bin frustrate di World Health Organization during di pandemic by playing down di threat from COVID-19, saying God and remedies go protect Tanzanians.

Magufuli dead: Wetin Constitution of Tanzania tok wen di President die?

According to Tanzania Constitution, Vice President Samia Hassan Suluhu, age 61, suppose assume di office of di president for di remainder of di five-year term wey Magufuli begin to serve last year after winning a second term.

Vice President Samia Hassan Suluhu go be di East African nation [Tanzania] first female president.

Madam Samia Hassan Suluhu go become di sixth president of Tanzania and di second from Zanzibar.

"Magufuli dead" [Kifo cha Rais Magufuli]: Death of President Magufuli

BBC
Madam Samia Hassan Suluhu

Anoda President from Zanzibar na di second term President of Tanzania Ali Hassan Mwinyi wey bin rule Tanzania for 10 years from 1985 to 1995.

“If di office of di president alias Presidency become vacant due to di President death, resignation, loss of electoral credentials or incompetence due to physical illness or failure to perform the functions and duties of di President, then di Vice-President na im dem go swear in and go remain in office for di remainder of him term. five years … ”

Na so di constitution of Tanzania in section 37 (5) tok.

Magufuli dead: National day of mourning

Condolence messages don dey pour in over di death of Tanzania leader John Pombe Magufuli.

"Magufuli dead" [Kifo cha Rais Magufuli]: Death of President John Magufuli

Reuters

Bobi Wine – Ugandan Politician, Uhuru Kenyatta – Kenya President, Boris Johnson – UK Prime Minister, Raila Odinga – Kenyan Polictician, former President Goodluck Jonathan of Nigeria and Chinese Embassy in Tanzania na some of di early callers wey don tok sorry give di pipo of Tanzania over di death of dia leader.

Yoweri Moseveni – Uganda President, President Paul Kegame of Rwanda, Former President Mwai Kibaki of Kenya also send dia condolences.

President of di Republic of Kenya wey also be di current Chairperson of di East African Community -wey be regional join bodi of goments for East Africa, do a televised address on Thursday morning on di passing away of President Dr John Pombe Joseph Magufuli of di United Republic of Tanzania.

President Kenyatta say Kenya go observe a seven day mourning period in honour of di late Tanzanian President John Pombe Magufuli.

Tanzania na East African kontri wey dey known for dia big wilderness areas.

Some dis areas include di plains of Serengeti National Park, safari mecca wey get di “big five” game (elephant, lion, leopard, buffalo, rhino), and Kilimanjaro National Park, home to Africa highest mountain.

E also get di tropical islands of Zanzibar offshor, with Arabic influences, and Mafia, with a marine park home to whale sharks and coral reefs.

Swahili and English na di two major language for Tanzania. E get oda languages like Arabic (in Zanzibar), Chaga, Makonde, Datooga.

Britain na im bin colonise di East African kontri before dem get independence from United Kingdom on 10 December 1963.