Nigeria Human rights lawyer, Femi Falana don write letter give di United Nations Working Group on Arbitrary Detention on di continued ”house arrest” of Bobi Wine.
Bobi Wine wey im real name na Robert Kyagulanyi bin don hala say security forces bin gada for im house since election day.
- Bobi Wine tweet foto of imsef, wife and young child wey hook inside ‘house arrest’ with am
- I dey worried about my life and dat of my wife’ – Bobi Wine cry out after Uganda election
Di musician turned politician bin run for office as presidential candidate for di National Unity Platform (NUP) during di just concluded January 14 elections.
But im reject di results and declare imself as di president elect of di kontri.
Oga Falana want make di UN Working Committee declare Bobi Wine detention unconstitutional, say “e go against Uganda 1995 constitution and obligations under International human rights law”.
Di letter also point out say ova di period wey dem don dey di house Bobi Wine and im wife, Barbie neva get access to beta food or access to their lawyer.
Nigerian human rights lawyer Femi Falana has filed this complaint on my behalf to the UN Working Group on Arbitrary Arrest. We are challenging my continued illegal confinement by the Ugandan police and the military! pic.twitter.com/NS3A77oh3a
— BOBI WINE (@HEBobiwine) January 20, 2021
On Thursday, Bobi Wine tweet say e don reach 8 days since e and im family don dey house arrest.
Yes, for standing and defeating Gen. Museveni in an election, which he resoundingly rigged, I am still under house arrest 8 days later! I thank all friends in Uganda and abroad who continue to stand with us, until we put an end to this indignity. Uganda will be free.
— BOBI WINE (@HEBobiwine) January 21, 2021
