International friendly matches go begin dis evening (Wednesday), and some of di biggest football players for di world go represent dia kontries.
Cristiano Ronaldo Portugal go face Spain for Estadio Jose Alvalade stadium for Lisbon.for one of di star matches of di day.
Moral high well-well for Portugal and Spain team afta dia victory last month for Uefa Nations League. Luis Enrique team wipe Ukraine 4-0 and play 1- draw wit Germany while Portugal beat Sweden and Croatia.
- Who be di big winners and losers for premier league transfer window?
- Champions League draw: Messi go clash wit Ronaldo for group stage
- Cameroonian midfielder, Marcel Wamba Kepdep chop arrest for Mauritius
Portugal victory against Croatia strectch dia unbeaten home record for competitive fixtures to six years.
Meanwhile di last two times wey Portugal don play Spain na for major tournament, for 2018 World Cup for di group stage dat game end for 3-3 draw. And di oda time dem face each oda na for Euro 2012 semi-final di game end 0-0.
Check out di fixtures dem here
Germany vs Turkey
Italy vs Moldova
Denmark vs Faroe Islands
France vs Ukraine
Portugal vs Spain
Netherlands vs Mexico
Armenia vs Albania
How to watch di games?
Na cable company Dstv go show di matches live for Nigeria. So you watch di matches live for dia sport channels.