Nigerian musician Naira Marley do Instagram live with police afta e cancel protest e suppose lead on Tuesday ontop police brutality.
Dis wan na afta Nigerians for social media begin dey react differently afta singer, Naira Marley cancel di peace protest wey im bin call citizens to join am do today.
Naira Marley and di force PRO Frank Mba na im do di live tok about di case of police brutality and di concerns of young Nigerians on di issues of SARS operations and oda burning issues.
Ogbonge singer Naira Marley ask Nigeria Police force to stop to dey harass youths wey dem see wit dada or mini skirt.
- Why Atiku daughter-in-law Fatima Ribadu tok sorry for her wedding dress
- Ten tins you need to know about di ‘new’ law wey ban SARS and wetin e mean for you
- SARS, STS, IRT, SACS – Wetin be di work of dis tactical police squads wey goment ban from patrol?
Marley wey say no be fear make am stop to protest but na safety of pipo and police initial statement make am stop ad say all dem want from di goment be say make SARS only dey come out wen robbery dey happun and no be always.
E say dem need all SARS officials to wear uniform and dey use dia branded car.
Frank Mba for im answer say di police dey proactive and dem no wait for di youth to enta di street before dem take action.
E say if man chose to braid im hair or carry dreadlock di police must respect im right and dignity and no wia dey for di law for police officers to harass di pipo wey carry dread.
E say no be crime for civilian to record policeman but make dem do with care and sense wen dem feel say di officer dey cross di line.
On Monday, Naira Marley bin tweet say make dem come out to join am protest against police brutality and SARS issues wey dey trouble di youths of di kontri. E say make dem gada for second toll gate for Lekki and make di protest go on peacefully without fight, stealing and vandalism.
Later, di singer come tweet say no protest again because a lot of changes don happun concerning di police brutality and SARS palava. E come give di kontri authorities one week to see make sure say di changes dey if not mass protest go happun.
We won’t be protesting anymore because there’s a lot of changes being made right now. As a Marlian we will give them a week to see the changes and if there’s no changes we will start a mass protest. #togetherwecan https://t.co/RNBXZ0IOfw
— nairamarley (@officialnairam1) October 6, 2020
Immediately Naira Marley cancel di protest, Twitter come catch fire with plenti tweets from Nigerian youth plus those wey call demsef Marlians- dat na followers of Naira Marley.
Some pipo for twitter begin drag Naira Marley like generator on top say dem dey disappointed with im decision, odas dey praise am while some odas just dey neutral.
Even if the government fail to keep to their promise before next week
The protest can’t go on again..
Naira Marley actually japa…
— Adekoya temitayo (@tehmie_) October 6, 2020
Naira Marley will be disappointed for giving the @PoliceNG a chance last minute to the protest
— solarababacsp (@solarababacsp) October 6, 2020
Naira Marley is truly the Fela of our time. Man not only went to prison and came back but now the Nigerian police is begging him not to lead a protest + having an IG Live with him by 11am.
Naira Marley aka The people’s president! Marlians! pic.twitter.com/z0w0I8VmOC
— callme_smile (@softsmileempire) October 6, 2020
Since Naira Marley (Marlian’s President) is Powerful, He should also talk to ASUU and FG to end Strike! @officialnairam1 please help Nigerian student
— ELDERLY (@rajioladipupo7) October 6, 2020
Naira Marley isn’t the first to call for
a peaceful protest only to cancel it
At least, he gave reasons why his
own was cancelled unlike the rest
At least, he never called Nigerian
youths cowards like one self – Fela
Without or without him, protest
is the own way forward here
— I Z U (@heisizumichaels) October 6, 2020
Meanwhile di Nigeria police force don begin calm down di youths for di kontri say everi-everi go dey alright and promise to address di SARS palava plus odas.
@officialnairam1 The Inspector General of Police wishes to inform Nigerian youths that their voices and complaints on the issues of unprofessional conducts by some SARS operatives have been heared very loudly and clearly.
— Nigeria Police Force (@PoliceNG) October 6, 2020
Di leadership of di police force say dem go work with di Ministry of Youth and oda stakeholders, including Youth leaders, youth entrepreneurs, CSOs and odas to formulate and implement consensual reforms.