Ecowas meeting for Niger elect Nana Akufo-Addo, President of Ghana as new Ecowas Chairman – See five challenge dem im go face

Economic Community of West African States (Ecowas) don elect President Nana Akufo-Addo as di new Ecowas Chairman.

West Africa regional join-bodi elect Prez Akufo-Addo as di new Chairman on Monday for di ongoing 57th Ecowas Summit wey dey happun for Niamey, capital of Niger.

Di Ghanaian leader dey take over from President of Niger, Mahamadou Issoufou wey be di current chairman of Authority of Ecowas Heads of State and Government.

Di challenges ahead of Prez Nana Akufo-Addo, di new Ecowas Chairman

Dis issues wey dem dey discuss na some of di challenges wey di Ghanaian leader go face as Ecowas Chairmo include:

  • Ecowas single currency programme.
  • Ecowas vision 2050
  • Anoda important tok for di meeting go be di high number of cases of terrorism, insurgency, armed banditry and piracy for di region.
  • Also di recent political gbege wey happun for Mali and di way di military dem scata democracy for di kontri go also gain attention.
  • Di up coming election presidential and parliamentary election for Burkina Faso, Cote d’Ivoire, Ghana, Guinea and Niger na anoda challenege before Ecowas leadership to make sure say dem dey free fair and credible plus ensure say no political kata-kata happun for those kontris dem.Abuja, Nigerian capital afta di meeting.

How di Ecowas Meeting dey waka

Nigerian President Muhammadu Buhari don call on West African leaders to obey di number of years dem suppose stay in power alias dia constitutional term limits.

Dis tok dey follow Ivory Coast President Alassane Ouattara decision to run for a third term for di October general elections.

President Buhari comments drop during di comment during summit of leaders of di Economic Community of West African States inside Niamey, the capital of Niger.

President Ouattara decision to run for a third term following di sudden death of di pesin wey suppose succeed am and di move triggered protests for Ivory Coast.

Im critics say di move no follow wetin constitution tok.

Di one day summit wey open on Monday, na eight heads of state, including presidents of Ghana, Senegal and Burkina Faso attend am.

Oda mata wey dem discuss for di meeting include di ongoing security crisis in Mali. Di Ecowas leaders call for sharp-sharp transfer of power to civilian rule afta one military coup on 18 August.

Di regional join-bodi of West African leaders don already place punishment ontop Mali and ask for elections to take place within a year.

Reaction to Nana Akufo-Addo as new Ecowas chiarmo

Many West African leaders post goodwill message for di Ghana leader ontop im new appointment as new Chairman of Ecowas.

Belle first sweet im wife Rebecca Akufo-Addo

Ivory Coast leader also hail di new Ecowas chairmo

President Macky Sall of Senegal also wish President Akufo-Addo success for im new role

The Gambia leader follow throway salute

Di Niger President wey hand over to President Akufo-Addo, also hail im successor

Nana Akufo-Addo acceptance speech as new Ecowas chairman

“I beg my colleague Heads of State to give ginger support to Ecowas decisions, and build fast and quickly our Community. Our pipo deserve more, and di objectives of peace, progress and prosperity go therefore be within our reach, make we for realising di historic purposes of Ecowas.”

Na wetin di Ghana Prez. Akufo-Addo tok on Monday afta e take over as di Ecowas Chairman.

Wen we think of West Africa togeda wih our individual kontris, we no go just become united pipo inside Africa alias pan-Africanists, we go also become true pipo wey believe in our kontri alias nationalists, because wetin make West Africa more prosperous go make each of our individual kontris more prosperous, Akufo-Addo add.