Chadwick Aaron Boseman dead: Colon cancer cut ‘Black Panther’ hero King T’Challa #WakandaForever journey – See Chadwick 43 years life and times

Chadwick Aaron Boseman dead

Getty Images
Actor Chadwick Boseman don die for di age of 43

Chadwick Aaron Boseman death still dey shock many pipo afta news break say di ‘Wakanda Forever her’ wey dey popular for im role as King T’Challa inside Black Panther die of cancer for di age of 43.

Doctors bin diagnose Boseman with stage three colon cancer four years ago( 2016) but e no eva make dis information public and continue to work on major Hollywood films during im battle with di deadly disease.

Dis na part of di reason why di news of im death shock di world well-well.

Chadwick Aaron Boseman dead

Getty Images
Chadwick Boseman, na di hero of Marvel feem “Black Panther”.

Im family reveal say many of Boseman films, including Black Panther, Marshall, Da 5 Bloods, and August Wilson’s Ma Rainey’s Black Bottom, dem film am ‘during and between countless surgeries and chemotherapy.’

Before im death, fans bin dey raise concerns about im health dis year afta dem notice say im dey loss weight but Boseman no tok anything about im diagnosis,

Black Panther: Why this film is a moment
The British Broadcasting Corporation

Life and Times of Chadwick Boseman

Chadwick Aaron Boseman dead

BBC
‘Black Panther’ scene where King T’Challa battle for im throne as kin (Foto: Marvel/Disney)

Dem born Chadwick Boseman for South Carolina, e graduate from Howard University and get small roles for television before im first star turn in for 2013.

Di actor dey known for playing real-life figures, including professional baseball player Jackie Robinson, Supreme Court Justice Thurgood Marshall and James Brown.

Chadwick Aaron Boseman dead

Getty Images

Boseman wey make im film debut 12 years ago become popular wen e act as baseball icon Jackie Robinson for 2013 movie titled 42, and soul singer James Brown for 2014 movie titled Get on Up.

But na di ogbonge Black Panther 2018 blockbuster movie pipo take dey remember am well-well. For dis film na im be King T’Challa, di ruler of Wakanda- one African nation wey get di most advanced technology on earth.

Chadwick Aaron Boseman dead

Getty Images
Boseman neva tok for public about im diagnosis

Last year, Boseman tok say Black Panther don change wetin e means to be “young, gifted and black”.

Oda movies wey im don act na 2016′ Captain America: Civil War , “Marshall” (2017) and “Da 5 Bloods,” wey Netflix release for June.

E also appear for 2019 film wey dem titled 21 Bridges, one action thriller wey Brian Kirk direct

Boseman leave behind im wife Taylor Simone Ledward and parent and e no born any pikin, im publicist tok.