Marie Bonaparte na royalty wey get plenty money and sabi important pipo. But how she take become ogbonge pesin for di study of female sexuality?
For some she na leader of female sexuality; for odas, na just rich woman with wey get connections.
Di truth be say Marie Bonaparte (1882-1962) – great-niece of former Emperor of France Napoleon l and aunty of Prince Philip, Duke of Edinburgh – na pesin wey history no fit forget.
- Blood dey hot as video of Femi Fani-Kayode ‘insult’ to journalist during briefing go viral
- Na every woman dey ejaculate? Di qweshion wey make dem start Pussypedia
- Di woman wey want everybodi to enjoy porn… not only men
Even though she be princess herself, one of di main tin she pursue for her life na female orgasm.
Di Princess
Dem born Marie Bonaparte for Paris, into famous and rich family but tragedy hit her life from di beginning as she nearly die during birth.
One month later, her mama die. As no oda children dey around, she come dey lonely.
- Nigeria, Ghana, Cameroon, di whole Africa don dey free of wild polio
- Why NAFDAC warn Nigerians against organic apple and blackcurrant from Australia
- See ten kontris wey no allow Covid 19 enta dia domot – But dem win?
One day, one of di many women wey dey care for am, ‘catch’ Marie dey masturbate.
“Na sin! na bad tin! If you do that you go die!” Marie write for her 1952 diary say di woman tell her.
“Bonaparte claim say she stop to dey do use her clitoris masturbate around di age of eight or nine for fear say she go die like dem warn am,” Nellie Thompson write inside her essay The Theory of Female Sexuality of Marie Bonaparte: Fantasy and Biology.
- Different types of orgasm wey all women fit experience
- One orgasm per day fit kill stress from your life?
Explore female sexuality
Afta she born two pikin wit her husband – wey she spend 50 years wit – only to discover say who her husband really get feelings for na im uncle Prince Valdemar of Denmark, Marie decide say she go focus on study of women sexuality and female pleasure.
For 1924 she publish one essay about how some women no dey respond to sexual pleasure, but instead she use fake name – A.E. Narjani.
“Frustration catch am because she never reach orgasm during sex before,” (wit penetration sex), tok Kim Wallen, professor of behavioural neuroendocrinology for Emory University, Georgia (USA).
“She no accept di belief say na only through clitoris woman fit get orgasm,” Prof Wallen tell di BBC.
- FGM: Wetin e be, wia & why e dey happun?
- ‘No sex witout fight’ – How dem dey change idea of ‘man’ for DR Congo
So she come develop one theory: di shorter di distance between woman clitoris and her vagina, di more di chance say she go get orgasm during penetration sex.
To support her theory she do experiment wit more than 240 women for 1920s Paris.
Bonaparte believe say if woman do operation to move di clitoris nearer to di vagina, then di orgasm go come.
Unfortunately, she dey wrong.
“Di surgery na disaster. Some women no come dey feel anything. But Bonaparte get assurance for her theory sotey she sef do di surgery – three times!, but e no work for her,” Prof Wallen tok.
“Wen you cut plenty nerves around di clitoris, your bodi no go begin ginger well-well, but na di opposite, because you dey cut very important nerves,” Dr Lloyd, wey be professor of History and Philosophy of Science for Indiana University bin explain.
Free woman
Professional maturity later make Marie Bonaparte to do u-turn ontop her theory on female sexuality.
“She publish one new book for 1950: ‘Female Sexuality’, wia she cancel everything about her before-before study.
“Inside am she say di way body be no relate [wit orgasm], and for pein mind everything dey.” says Prof Wallen.
For Professor Dr Lloyd, Marie Bonaparte na “ogbonge pesin. She na one of my heroine.”
“She advance well-well pass anybody for her time when e concern knowledge and understanding” of sexual sexuality, tok Dr Lloyd, even though las las “she sef no happy wit her own body.”