Transportation na one big problem wey many Nigerians dey face everyday, especially pipo wey dey live for urban cities as road transportation be di only option for most of dem.
Sake of di wahala wey dey di road transportation like long traffic, bad roads and motor accident, many Nigerians don beg goment to improve di Nigeria railway as dis go reduce di burden for di road.
One of di promise wey dis current administration of Mohammadu Buhari make as dem enta power na to ensure say dem go better railway system – for inter-state travel.
- See water transport routes, terminals you fit use to avoid Lagos traffic
- See how pipo survive Third Mainland Bridge closure in 2008, 2012, 2018 & now
For 2019, di federal goment order for 60 passenger coaches, all of dem don arrive Nigeria and dem don also train engineers wey go dey manage di trains.
Also for 2018, di goment sponsor 45 students from di faculty of engineering for Ahmadu Bello University to go study railway engineering for di Central South University of China (CSU).
Dis na some of di new development wey di railway sector dey carry come for Nigerian commuters.
Lagos – Ibadan
According to di Nigerian Railway Corporation (NRC), di agency just buy 24 new coaches for di Lagos – Ibadan railway line.
Di train go dey go 16 trips everyday and e go dey easy for pipo wey dey live for Ibadan to dey come work for Lagos.
Dis operation go start for September 2020, NRC bin tok.
Lagos-Ibadan railway line will grace the newly acquired 24 coaches
The trains will run 16 trips daily when operations begins next month, With this you comfortably reside in ibadan and work in Lagos
Great times ahead pic.twitter.com/SNMxKGEquU
— NIGERIAN RAILWAY CORPORATION (@Official_NRC) August 21, 2020
What about odas?
Itakpe – Warri – Ore
Di Warri – Itakpe Railway stations according to di Nigeria Railway Corporation don dey ready for commissioning. Dis rail go dey run through Delta, Edo, Kogi and states wey dey near di area.
While getting ready to be commissioned after the lockdown eases , Warri-Itakpe Railway stations has now been connected to electricity, This will cut down the travel time [from road traffic] by 3 hours from Delta, through Edo to Kogi in the North.
📷 @Mayor_ofph pic.twitter.com/kv1AjDTKmx
— NIGERIAN RAILWAY CORPORATION (@Official_NRC) June 9, 2020
Marina – Okokomaiko
Di Nigerian Railway Corporation don resume work for di Lagos Rail wey go dey move from Marina to Okokomaiko.
Dis rail go ready by June 22 and pipo wey wan use am go fit transport from Marina to Mile 12.
Work has resumed for the construction of the 27km Blue Line of Lagos Rail that will run from Marina to Okokomaiko . By June 2022, commuters will be able to move from Marina to Mile 2 by rail/ Progress has also been made in the Lagos Lagoon bridge.
Better days lies ahead. pic.twitter.com/Y8pQR8K44i
— NIGERIAN RAILWAY CORPORATION (@Official_NRC) June 18, 2020
Kaduna – Abuja
Di Minister of Transportation Rotimi Amaechi also order 10 more coaches to add o di Kaduna – Abuja route.
Dis new coaches go dey go 14 trips daily from Abuja to Kaduna.