Di death toll from Lebanon explosion on Tuesday don rise to at least 100 according to Lebanon health ministry, while 4,000 odas na im injure.
Lebanese Red Cross tok say dem dey worried say di number of casualty fit rise pass 100 deaths as many pipo still dey miss from di blast wey happun around 15:00 GMT.
- Timeline of deadly explosions wey don shake Lebanon
- Lebanon explosion throw me up, I see plenti dead body for road – Nigerian survivor
Currently, rescue workers dey search rubble for di port of Beirut wia di explosion happun after di deadly blast.
Red Cross tanda dey coordinate wit di Health Ministry to set up mortuary because hospitals don full boku, one rescue worker tell Reuters.
- Lebanon declare two week state of emergency as death toll from Beirut blast pass 100
- Wetin be dis Ammonium nitrate wey explode shake Lebanon gbim-gbim-gbim? – Di ansa dey here
Sara wey be nurse for Beirut Clemenceau Medical Center, describe wetin she see for her hospital afta di blast as “like a slaughterhouse, blood dey cover di corridors and di lifts”.
Dis na wetin Beirut look like today afta Lebanon explosion
Tori be say na 2,750 tonnes of ammonium nitrate wey dem bin store unsafely inside one warehouse inside di port of Beirut cause di heavy explosion wey show mushroom cloud.
Na pesin bin try to import di ammonium nitrate chemical compound for 2014 but authorities impound am. Na dia dem begin investigate di mata, cari am go court. Di mata still dey for court before dis blast happun at about 15:00 GMT on Tuesday.
Di meeting of di Higher Defence Council, wey President Michel Aoun chair recommend say make di goment declare a two-week state of emergency inside di capital Beirut wen dem hold cabinet session on Wednesday.
Triage and first aid stations have been set up to help people with non-critical injuries. pic.twitter.com/Cu5ZTtWI00
— Lebanese Red Cross (@RedCrossLebanon) August 4, 2020
Even before Tuesday tragedy, Lebanon bin don already dey suffer under a number of major crises.
Di kontri currency don dey lose value against di dollar in recent months, leading to inflation and difficulties accessing basic goods.
On top of dis, Lebanon bin don dey deal wit major power cuts and oda problems over basic services.
Growing anger last year bin lead to mass protests against di big ogas for di kontri alias elite, wey eventually remove di goment.
Coronavirus don also make tins worse.
Di goment bin implement strict lockdown wey dem be relax for short period before dem reinforce am again.
How pipo dey react
World pipo dey react for social media wit different hash tags like #prayforbeirut #PrayForLebanon sake of di wetin happun for di port of Beirut inside Lebanon.
My brother sent me this, we live 10 KM away from the explosion site and the glass of our bldgs got shattered. #Lebanon pic.twitter.com/MPByBc673m
— Abir Ghattas (@AbirGhattas) August 4, 2020
I am getting a lot of videos from the ground and from the family WhatsApp group.
I will be posting them here.
Damage around the explosion area. #Lebanon pic.twitter.com/DJ4zPB8nst— Abir Ghattas (@AbirGhattas) August 4, 2020
United Kingdom
UK Prime Minister Boris Johnson express im readiness to help Lebanon in any possible way.
The pictures and videos from Beirut tonight are shocking. All of my thoughts and prayers are with those caught up in this terrible incident. The UK is ready to provide support in any way we can, including to those British nationals affected.
— Boris Johnson (@BorisJohnson) August 4, 2020
Even di Queen of England send sorry message to di pipo of Lebanon.
Her Majesty The Queen has sent a message of condolence to the President of the Republic of Lebanon. pic.twitter.com/vgHcT5gwuS
— The Royal Family (@RoyalFamily) August 5, 2020
United States
President Donald Trump don send im sympathies to Lebanon for di dozens of pipo wey don die and thousands wey wound inside di blast, wey di US President describe as attack, and offer US help.
“Let me begin by sending America’s deepest sympathies to the people of Lebanon.” pic.twitter.com/CZitqk2A0S
— The White House (@WhiteHouse) August 4, 2020
France
French President Emmanuel Macron express solidarity wit di Lebanese and tok say France dey send resources to di site of of blast.
J’exprime ma solidarité fraternelle avec les Libanais après l’explosion qui a fait tant de victimes et de dégâts ce soir à Beyrouth. La France se tient aux côtés du Liban. Toujours. Des secours et moyens français sont en cours d’acheminement sur place.
— Emmanuel Macron (@EmmanuelMacron) August 4, 2020
Germany
Di German foreign ministry say staff for di German embassy wound inside di explosion.
Iran
Iranian Foreign Minister Javad Zarif say Tehran dey ready to assist in any way and advice Lebanon to “stay strong”.
قلوبُنا مع الشعب اللبناني في هذه الكارثة الكبرى. الرحمة للشهداء والصبر والسلوان لأهالي الضحايا والشفاء للجرحى. سلامٌ من الله ورحمةٌ لهذا الوطن الأبيّ.
🇱🇧🖤 pic.twitter.com/4jHhaNnSh6
— Javad Zarif (@JZarif) August 4, 2020
Qatar
Qatar Emir Sheikh Tamim bin Hamad Al Thani call President Michel Aoun to offer im sorry message, according to di state-run Qatar News Agency. Di Gulf kontri say dem go send field hospitals to support Lebanon medical response.
HH the Amir held via telephone a conversation with Lebanon’s President, during which His Highness expressed his condolences to the President and the brotherly Lebanese people on the victims of the explosion in Beirut port, wishing a speedy recovery for the injured. #QNA pic.twitter.com/5ZcFzarhzp
— Qatar News Agency (@QNAEnglish) August 4, 2020
Saudi Arabia
Saudi Arabia foreign ministry say dem dey follow with great concern di consequences of Beirut port explosion.
#Statement | The Kingdom of Saudi Arabia is watching with grave concern the aftermath of the explosion that occurred in the port of #Beirut today, which resulted in deaths and injuries.
— Foreign Ministry 🇸🇦 (@KSAmofaEN) August 4, 2020
Malaysia
Malaysian Foreign Minister Hishammuddin Hussein express im kontri grief sake of di Beirut blast, and offer to help in “any way dem fit”.
Malaysia stands together in grief as our thoughts and prayers accompany the strong people of 🇱🇧 Lebanon. We stand ready to support any way we can. Initial reports from our @MYEmbBeirut show that all Malaysians there are safe and have been advised to stay at home #PrayForLebanon pic.twitter.com/tpJJ8HAo5x
— Hishammuddin Hussein 🇲🇾 (@HishammuddinH2O) August 5, 2020
Israel
Israel wey dey share common boundary wit Lebanon say dem don offer humanitarian aid to Lebanon through foreign channels, as di neighbours no diplomatic relations.
BBC Arabic office bin also shake gbim-gbim-gbim
The shocking moment the Beirut explosion happened was caught on camera by Maryam Toumi, a journalist for @BBCArabic who was conducting a video interview at the time.
Warning – distressing images. pic.twitter.com/ljhtDAT7wk
— BBC News Press Team (@BBCNewsPR) August 5, 2020
See oda tori dem wey you fit read:
- Timeline of deadly explosions wey don shake Lebanon
- How Nigerian activists mark one year afta failed Revolution Now protest of 5 Aug. 2019
- Cameroon separatists ‘bomb’ military moto for Kembong
- Hospital di chase Nke Prisca, victim of Yaoundé explosion wey no fit pay her bills
- ‘I dey dia wen Abule Ado explosion happun’ – survivor
- Weti we know about number three explosion for Yaoundé
- How gas explosion kill pipo for Ajao Estate, Lagos