Late Flying Officer, Tolulope Arotile, Nigerian Air Force’s (NAF) first female combat helicopter pilot, wey die for accident on 14 July, 2020 receive full military honours on Thursday morning wen dem bury her for National Military Cemetery in Abuja.
- Nigerian Air Force release full details and result of investigation into Tolulope Arotile death
- How Buhari first trip abroad since coronavirus pandemic go be
Watch di full military burial of Flying Officer Arotile here:
According to one statement from di Airforce, di young flying officer die from head injury wey she get from di road accident wey happun for NAF base Kaduna.
Dem born Flying Officer Tolulope Oluwatoyin Arotile on 13 December 1995 to di family of Mr and Mrs Akintunde Arotile for Kaduna state.
She come from Ijumu Local Government Area of Kogi State.
She attend Air Force Primary School, Kaduna from 2000 – 2005 and Air Force Secondary School, Kaduna from 2006 – 2011 before she later gained admission into diNigerian Defence Academy, Kaduna as a member of 64 Regular Course on 22 September 2012.