Ronaldo score as Portugal sama Ghana 3-2

Cristiano Ronaldo

Getty Images

Portugal don sama Ghana 3-2 for di 2022 World Cup for Qatar as di Group H sides meet today.

Na Cristiano Ronaldo first score wit penalty for di game wey happen for Doha Stadium 974.

Dis na di second time di two national teams dey encounter each oda for football.

Di first time Ghana and Portugal meet na during di 2014 World Cup where Portugal beat Ghana.

How di game take happun



Portugal 3-2 Ghana

Una fit breathe now.

90 + 10 mins: Play go on and Portugal almost allow Ghana equalise.

Di keeper no see Inaki Williams and im let di ball go inside di box but Williams slip am at di crucial moment. 

90 + 10 mins:

Portugal 3-2 Ghana

If to say Ghana play like dis for di first half…

90 + 9 mins: E dey close!

Osman Bukari shoot and e land on di roof of di net.

Dat na Ghana last chance?

90 + 8 mins: Daniel Amartey gift Portugal a free-kick wit one silly foul. Dem no dey in hurry to take am.

90 + 7 mins: By di way, Ghana don put in Antoine Semenyo. Imagine di scene if di former Bath City striker score a stoppage time equaliser against Portugal for di World Cup.

90 + 5 mins: Bruno Fernandes collect yellow card for clear foul. Portugal dey try to run down di clock.

90 + 3 mins: Bruno Fernandes na di only second Portugal player wit two assists for World Cup game, afta Jose Torres vs Brazil for 1966.

90 + 1 mins: Ronaldo siddon for bench and get wan kain look for im face wen Ghana score dia second. Im no happi at all.

90 mins: Portugal 3-2 Ghana

Ghana fans happi as dem add nine minutes.

Na enough time for an equaliser and a winner!

89 mins: Mad game. E switch from poor first 45 to a five-goal thriller.

88 mins:

GOAL – Portugal 3-2 Ghana

87 mins:

Portugal 3-2Ghana

Na all about game management for Portugal now. Dem dey make some changes and Cristiano Ronaldo na one of dose wey dey come off.

Im no dey leave di ground early dis time.

Dis game neva dey ova!

85 mins: Portugal 3-1 Ghana

Joao Felix (23y-014d) and Rafael Leao (23y-167d) na di third and fourth-youngest players to score for Portugal at di World Cup, afta Cristiano Ronaldo (19) for 2006 and Semoes (22) in 2006.

79 mins: GOAL!

Portugal 3-1 Ghana

Rafael Leao

Rafael Leao show say e dey talented as im put di ball inside di net.

Na wonderful goal by di substitute.

77 mins: GOAL – Portugal 2-1Ghana

What a ball by Bruno Fernandes wey completely split di Ghana defence and Joao Felix keep im composure to put am home.

Ayew dey celebrate

Getty Images
Ayew dey celebrate in goal

74 mins: GOAL!

Portugal 1-1 Ghana

Captain Ayew strike!

Cristiano Ronaldo goal don wake Ghana from dia slumber and dem attack Portugal since dem fall behind.

Mohammed Kudus cut di back back inside di penalty area, e go through di legs of Danilo Pereira into di path of Andre Ayew to tap home.

Bedlam for di Ghana end.

70 mins: Thomas Partey get an attempt wey go wide before Mohammed Kudus test di keeper from distance.

67 mins: Second oldest World Cup scorer eva

Cristiano Ronaldo na di second oldest player to score for di World Cup (37 years, 292 days), behind only Roger Milla for 1994 for Cameroon (42 years, 39 days).

65 mins: GOAL – Portugal 1-0 Ghana

Of course im score!

Cristiano Ronaldo become di history man as im score di penalty easily.

E become di first player to score at five World Cups.

Na ogbonge achievement!


Cristiano Ronaldo fall inside di box under a challenge by Mohammed Salisu.

Di referee immediately point to di spot but Ghana players dey protest. VAR don check am- Na penalty and Ronaldo don place di ball for di spot.

61 mins: Diligent defending from Ghana

E no easy for Ghana but dem don defend well. 

59 mins: Alidu Seidu na very lucky man. Some refs fit don produce red card for dat.

57 mins: YELLOW CARD

E dey techy for here. Anoda yellow card and Alidu Seidu no dey happi afta one collision wit Joao Felix. Some oda players dey and Felix go afta di two players lock heads. Alidu dey fortunate to escape wit just a booking.

49 mins: YELLOW CARD

Ghana captain Andre Ayew collect di game second yellow card for one late challenge on Otavio. Mohammed Kudus dey booked earlier.

47 mins: Same pattern, same tempo. Portugal dey do all di pressing but Ghana dey well organised and disciplined for di back.

45 mins: KICK-OFF

E don start.



Portugal 0-0 Ghana

Tins fit only get beta.

45 mins: Just di two minutes of added time.

More energy dey for di stands where Ghana’s fans dey dan for di pitch.

45 mins: Ghana neva get any touch for di Portugal box

Na only once since records begin (1966) one team go fail to get shot for di opposition box for di first half of World Cup match – Saudi Arabia against France for 1998.

45 mins: Anoda half chance for Portugal. Dat na cross or attempt by Otavio? E sail ova di bar and e no dey anoda missed opportunity.

43 mins : Bruno Fernandes send one looping ball ova di head of Ghana defence and into di path of Raphael Guerreiro wey hit am straight at team-mate Cristiano Ronaldo from close range.

E no just dey happun for Portugal.

37 mins: Ghana win dia first corner! Dem greet am wit a blast of di trumpets wia Ghana fans siddon.

35 mins: Cristiano Ronaldo first 35 minutes:

One attempt dey saved.

One bad miss.

One goal wey dem cancel.

E no dey dey dull wen im dey on di pitch.

33 mins: Back to dat goal wey dem cancel.

Replay show say dem push pesin and referee blow im whistle for di foul before Ronaldo fine attempt hit di back of di net.

Portugal players no dey happi but at least e don bring dis game to life.

31 mins: Half an hour don go and di two Ronaldo chances neva be di big opportunities for dis game.

Ghana neva register shot.

30 mins: Salis Abdul Samed grab Bruno Fernandes shirt and di Portuguese go down like im be victim of sniper.

Moments later, Cristiano Ronaldo produce one wonderful finish but dem rule am out for foul.

28 mins: Dis game dey in need of a lift. Plenty of attacking endeavour from Portugal but dia finishing neva dey up to scratch.

Abeg, not anoda goalles draw.

22 mins: Portugal really dey focus on Ghana right-hand side.

Raphael Guerreiro dey prominent – and di Portugal left-back don spend more time for Ghana half dan dia own, im dey really hug dat left touchline.

21 mins: Apart from di two attempts by Ronaldo, enough neva dey to report. Ghana dey do good containing job but dem suppose dey behind as Portugal continue to lead possession.

19 mins: Ghana fans love trumpet! One pesin dey play am for di crowd and supporters dey sing at di top of dia voice. A little bit of Accra for Qatar. Great atmosphere.

17 mins: Portugal keeper Diogo Costa neva do much and di tin dey worry Ghana. Dem gazz shake am up. Dem dey lack any threat as e stand.

15 mins: Fifteen minutes on di clock. Portugal suppose dey ahead. Cristiano Ronaldo suppose dey on a hat-trick.

13 mins: Big miss by Ronaldo!

12 mins: Di successful passes chalkboard show say Portugal don enjoy almost all of di possession for dis opening stages. But di majority of play don dey in dia own half.

10 mins: GREAT SAVE!

Big chance for Portugal. Big chance for Cristiano Ronaldo.

One delicious ball split di Ghana defence open and di former Manchester United forward look set to score but im first touch dey heavy and Lawrence Ati-Zigi dey able to spread imsef to keep out di attempt.

9 mins: First sight of goal for Ghana but Diogo Costa spot di danger and di keeper rush off im line to gada.

8 mins: 82% possession for Portugal inside di first eight minutes.

6 mins: First corner for Portugal end as Otavio hit di first shot in anger.

4 mins: More action dey for di crowd dan on di pitch for di opening minutes. Lots of noise and cheering dey from both set of fans while dem wait for di game to settle.

3 mins: Milestone for Bruno

Bruno Fernandes dey win im 50th cap for Portugal – and di Manchester United midfielder score 11 goals and assist eight more for im first 49 games.

Shey dis go mark di milestone wit anoda telling contribution today?

2 mins: Portugal get di game under way.

Ronaldo first contribution na foul inside 90 seconds wey give Ghana free-kick just inside Portugal’s half.

1 min: Kick off

Portugal 0-0 Ghana

Na go, go, go1

Cristiano Ronaldo

Getty Images

Portugal line-up

Portugal vs Ghana


Former Manchester United forward – and now free agent – Cristiano Ronaldo start for Portugal for dia 2022World Cup opener.

Di 37-year-old also take di captain armband.

Ronaldo former team-mate Bruno Fernandes dey midfield, alongside Ruben Neves of Wolves.

Manchester City duo Joao Cancelo and Ruben Dias start for di back.

Portugal XI: Costa, Cancelo, Dias, Pereira, Guerreiro, Neves, Otavio, Fernandes, Felix, Silva, Ronaldo.

Ghana line-up

Portugal vs Ghana


Plenty of English-based interest dey di Ghana team. Former West Ham and Swansea front man Andre Ayew captain di Ghana team, di striker play im club football just a few miles from here at Al Sadd.

Leicester’s Daniel Amartey, Southampton defender Mohammed Salisu, Reading full-back Baba Rahman and Arsenal’s Thomas Partey go start.

Brighton full-back Tariq Lamptey dey on di bench.

Ghana XI: Zigi, Amartey, Seidu, Djiku, Salisu, Rahman, Abdul Samed, Partey, Kudus, Williams, Ayew.

Ghana vs Portugal head to head

For dia first encounter, Portugal manage grab de winner against Ghana by two goals to one for 2014. 

Own goal from Ghanaian defender, John Boye give Portugal de advantage.

Afta Asamoah Gyan goal draw level between de two side, Cristiano Ronaldo secure de win for Portugal. 

Going into di game, Portugal bin dey hope say dia 4-0 win against Nigeria in dia last friendly before de World Cup go put dem in good position against Ghana.

Meanwhile, Ghana on de oda hand too bin beat Switzerland 2-0 in dia last friendly match. 

Ghana dey hope say beating Switzerland wey defeat Portugal in dia last encounter go place dem in good position to face Portugal.

Black Stars bin dey target top two spots for Group H

De battle in group H for de 2022 Qatar World Cup be one of de hotly contested.

De two favorite sides to top de group be Portugal and Uruguay.
But South Korea and Ghana both dey enta de competition with quality players who go fit dominate de two favorites.