How 25 year old Phyna win BBNaija season 7

Phyna wey her real name na Ijeoma Josephina Otabor don win di 2022 edition of Nigeria reality show, Big Brother Naija.

Di 25 year old entrepreneur beat 23 oda housemates to emerge winner of di show tagged, ‘Level up’.

Afta 70 days for di house di organizers later trim di number of finalists to six.

Na Daniella first comot on di final day of di eviction show.

Di 22-year-old native of Cross River State, south-south Nigeria say she dey happy wit her experience for di BBNaija house.

Chichi, wey her real name na Chinenyenwa Okoebor also comot – “I dey bring fire. Una neva ready,” she tok afta her eviction.

Di next set of pipo to comot for BBNaija house na Adekunle and Bella leaving Phyna and Bryann as di top two housemates.

Who is Phyna, winner of BBNaija season 7

Phyna win di grand prize of 100 million naira – N50m cash and N50m worth of gifts from di sponsors.

She dey describe her sef as pesin wey no like to keep malice even though she agree say her temper no good.

Di show dem tag ‘Level Up’ bin start on 23 and 24 July, 2022 wit 24 housemates wey dem camp for different houses – Level 1 and Level 2 houses.

BBNaija finalists

Phyna

Phyna wey her real name na Ijeoma Josephine Otabor na actress from Edo State, south-south Nigeria.

She be first class graduate of Engineering from Auchi Polytechnic, Edo State.

Phyna say she dey also dey do hype-woman for clubs.

Dey refresh dis page for live updates of di show.

Bryann

Twenty-two-year-old Brian Chkuwuebuka Chiji aka Bryann na singer and songwriter.

Bella

Bella na 25-year-old University of Lagos graduate and content creator.

Chichi

Chinenyenwa Desire Okoebor na 22-year-old na exotic dancer by night and chef by day.

She come from Edo State, south-south Nigeria.

Adekunle

Adekunle Tobilola Olopade na 27-year-old digital marketing consultant from Lagos.

Daniella

Daniella na 22-year-old native of Cross River State, south-south Nigeria. She be poet and spoken word artist.

Her fans dey known as Dynamites.

Dey refresh dis page for live updates from 7pm (1900hrs)