Manchester united vs Manchester city live: Erling Haaland, Foden put city ahead for Manchester derby

City na di best team for England and by far di best team for Manchester

Getty Images

Manchester United coach, Erik Ten Hag go face anoda test today as di dey meet Manchester city dis afternoon.

Pep Guardiola side dey look to close di gap on leaders Arsenal to one point again.

Dis na anoda derby game afta di north London derby on Saturday between Arsenal and Tottenham Hotspurs.


Man City 4-0 Man Utd

Dis na pure domination from Manchester City. Dem dey play like team wey dey vex. Dem no give any chance to United to settle down through out di first half.

So far, na embarrassing game for Manchester United. Dia fans don begin leave di stadium even before di end of di first half.

First Half: KICK-OFF

Man City 4-0 Man Utd

43 mins: GOAL! Phil Foden score im second goals for city

37 mins: GOAL! Erling Haaland again.

Man City 3-0 Man Utd

33 mins: GOAL! Man City 2-0 Man Utd

Erling Haaland head in corner to give City dia second goal.


De Gae save Kevin de Bruyne shot from outside 18 yard box.

28 mins: Man City still dey in control of di ball. United don try regoup and re-organize dem sef. But City still dey in control.

25 mins: Erling Haaland dey try break into united defence wit pass from Kevin de Bruyne but dem stop am.

23 mins: Malacia chop yellow card for bringing down Foden.

21 mins: Man City 1-0 Man Utd

Man city dey fully in charge of di game

18 mins: BALL HIT BAR.

Ilkay Gundogan and Kevin de Bruyne stand over di free kick but na di German take am.

Gundogan curl di ball pass united wall to beat David de Gea but e hit right post.

17 mins: Jack Grealish don start well. E just dey throw passes hear and there. E later find Kevin de Bruyne and Lisandro Martinez bring am down.

15 mins: Kyle Walker miscue Bruno Fernandes long ball and e come through to Jadon Sanchez.

14 mins: Manchester United try to keep di ball for some minutes but Tyrell Malacia comot im eye from di ball and di ball enta throw in.

13 mins: Marcus Rashford get ball to chase down di left but Ederson read am well to clear di ball.

12 mins: Manuel Akanji dey hold am tight for city defence. E no dey give Bruno Fernandes chance.

7 mins: GOAL! Man City 0-0 Man Utd. Phil Foden put Man city ahead for di Etihad stadium.

5 mins: City get 3 in one chance but dem survive am.

2 mins: Erling Haaland win di first afta e hold up play for middle. Jack Grealish get di oda one and Diogo Dalot get yellow card.

1 min: Game don start

Manchester city vs Manchester united Line-ups

Manchester city: Ederson, Walker, Akanji, Aké, Cancelo, De Bruyne, Gündogan, Bernardo Silva, Foden, Haaland, Grealish.

Manchester united: de Gea, Dalot, Varane, Martínez, Malacia, McTominay, Eriksen, dos Santos, Bruno Fernandes, Sancho, Rashford

Manchester city vs Manchester united head-to-head

Manchester City fit win three consecutive league games against United for di first time since di run of four between April 2013 and November 2014.

United fit lose dia 18th Premier League game against City.

E go equal dia highest number of defeats against a specific opponent

Di respective away side don win dis Premier League fixture 21 times.

No oda don produce more victories for di away team.

Manchester city vs Manchester prediction

For all di positivity about Manchester United progress under Erik ten Hag, make you no forget say na Manchester City dem dey play.

City na di best team for England and by far di best team for Manchester.

We see how much chance Arsenal create against United for dia last league game, but dem fail to take dem.

If City play anywhere near wetin Arsenal play – dem go score plenty goals.

Although United cause dem some problems on di counter, but e dey likely say dem go lose.

Prediction: 4-1

Refresh for live updates on di match from 2pm (1400 hrs)