Nigeria Afcon 2022 squad: Ahmed Musa, Odion Ighalo, Kelechi Iheanacho – African Cup of Nations latest update of players wey dey camp and wey ever show

More players don arrive Nigeria Super Eagles camp ahead of di 2021 Africa Cup of Nations AFCON for Cameroon on Sunday,9, January, 2022.

Dis na afta di Nigeria Football Federation (NFF) update di list of invited players for di one month competition.

Some players bin pull out sake of injury and sickness while odas no fit make am sake of clearance from dia club.

Complain bin also dey say some players no gree report to camp early for di competition wey don reach

Super Eagles leave for Cameroon

As at Tuesday, 4, January, 2022, na 25 players don report to Eagles camp for Abuja ahead of di competition wey dey start on Sunday.

Interim Coach, Augustine Eguavoen bin invite 28 players to camp.

However, di Eagles go leave Abuja to Cameroon on Wednesday.

Players from UK

According to di coach, di Super Eagles camp dey open for Abuja, Nigeria Federal capital territory.

“All invited players, except di UK-based crew, dey expected to arrive for camp for Nigeria federal capital, Abuja on 29th December.

“Di UK-based players dey expected to start arriving on Monday, 3rd January.”

Wen be Afcon 2022?

Patrice Motsepe

Getty Images

Di African Cup of Nations (Afcon) go hold for Cameroon between 9 January – 6 February, 2022.

Covid-19 bin don make Afcon dey delayed before and many pipo wan know if dis tournament go hold for di scheduled date, and dis na why Motsepe enta Cameroon for Afcon meeting.

According to di Confederation of African Football (Caf), na 24 referees, 31 assistant referees and eight video assistant referees from 36 kontris go involve for di competition.

Super Eagles Afcon 2022 squad

Nigeria dey di same group wit Egypt, Sudan and Guinea Bissau, wey dey participate for di first time.

Di former Nigeria captain Eguavoen, wey coach Super Eagles to third-place finish for Egypt 15 years ago, select four goalkeepers, nine defenders, five midfielders and 10 forwards.

“Lively forward Victor Osimhen positive test to di coronavirus pandemic and injury to di versatile Abdullahi Shehu don make us change Nigeria final 28-man list for di 33rd Africa Cup of Nations,” na so NFF statement tok

Goalkeepers:

Francis Uzoho (AC Omonia, Cyprus)

John Noble (Enyimba FC)

Daniel Akpeyi (Kaizer Chiefs, South Africa)

Maduka Okoye (Sparta Rotterdam, The Netherlands)

Defenders:

Chidozie Awaziem (Alanyaspor FC, Turkey)

Kenneth Omeruo (CD Leganes, Spain)

Oluwasemilogo Ajayi (West Bromwich Albion, England)

William Ekong (Watford FC, England)

Olaoluwa Aina (Torino FC, Italy)

Zaidu Sanusi (FC Porto, Portugal)

Olisa Ndah (Orlando Pirates, South Africa)

Midfielders:

Frank Onyeka (Brentford FC, England)

Wilfred Ndidi (Leicester City, England)

Chidera Ejuke (CSKA Moscow, Russia)

Kelechi Nwakali (SD Huesca, Spain)

Forwards:

Ahmed Musa (Fatih Karagumruk, Turkey)

Henry Onyekuru (Olympiacos FC, Greece)

Moses Simon (FC Nantes, France)

Sadiq Umar (UD Almeria, Spain)

Taiwo Awoniyi (Union Berlin, Germany)

Alex Iwobi (Everton FC, England)

Peter Olayinka (SK Slavia Praha, Czech Republic)

Kelechi Iheanacho (Leicester City, England)

Expected players:

Jamilu Collins (SC Padeborn 07, Germany)

Tyrone Ebuehi (Venezia FC, Italy)

Joseph Ayodele-Aribo (Glasgow Rangers, Scotland)

Samuel Chukwueze (Villarreal FC, Spain)

Odion Jude Ighalo (Al-Shabab Riyadh, Saudi Arabia)