Ghana Police don react to reports of alleged attack and shooting of popular musician Shatta Wale.
According to statement on dema official Facebook page, police launch investigation into de mata as dem hear reports of di alleged attack.
“De attention of de Police dey on de widely circulated news on de alleged gunshot-attack on one Charles Nii Armah Mensah popularly known as Shatta Wale.
- ‘My life is in danger,’ Shatta Wale break silence after shooting claims
- Ghana police arrest comedian Funny Face sake of alleged death threats
- What you for know about new Ghana laws which criminalise sharing nude pictures den videos
On hearing de news, police launch investigation into de matter including making contacts with some of en close friends and family members and all of dem claim not to know en whereabouts or de alleged incident.” De statement talk.
Police also say dem visit Shata Wale house and im no dey there.
“Over de last few hours, de police have searched and continue to look for Shatta Wale inside hospitals in Accra.
Whilst we continue our investigations, de Police dey appeal to de public to provide any information concerning de whereabouts of Shatta Wale to de numbers 18555, 191 and 0302773906″, de statement add.
https://www.facebook.com/525210351007672/posts/1745121492349879/?sfnsn=scwspmo
Reports of de alleged shooting of de musician begin trend after post from one of im ‘aide’ say dem shoot de musician and e dey hospital dey collect treatment.
Meanwhile, reactions dey trail de report with some Ghanaians dey call for sanction on de musician if e turn out to e false.
Shatta Wale wey im real name na Charles Nii Armah Mensah Jr, na Ghanaian reggae-dancehall artist. E bin dey go by di name Bandana before-before. Im best-known singles na “Dancehall King”, my level and we taking over wey make am win di Artiste of di Year for di 2014 edition of di Vodafone Ghana Music Awards.
For 2019, American Grammy Award Winner Beyonce feature Shatta Wale for her song Already, wey dey inside di album Lion King.
