Nigerians dey celebrate di kontri 61st independence day on Friday 1 October.
Federal goment bin declare di day as public holiday.
Dis year celebration happun but without di usual serere and na sake of COVID-19 concerns.
Nigeria Minister for Interior, Ogbeni Rauf Aregbesola say, to celebrate Nigeria 61 Independence Anniversary dey necessary, but add say di safety of kontri pipo na di President major concern, especially wit COVID-19 third Delta variant wey still dey worry.
Di activities to mark di 61st Independence Day celebration bin start on Sunday 26 wit Thanksgiving service for Abuja.
Vice President Yemi Osinbajo and im wife attend di service wit Christian leaders.
BBC Pidgin bin visit some areas and dis na wetin we see.