Turkey vs Italy: Ciro Immobile, Lorenzo Insigne goals fire Italy to opening day victory over Turkey

Italy vs Turkey

Getty Images

Euro 2020 start in spectacular fashion as Italy begin di tournament wit solid start in front of their own fans as dem comfortably beat Turkey 3-0.

Own goal by Merih Demiral and goals from Ciro Immobile and Lorenzo Insigne settle di one-sided Group A match – di first of 51 fixtures wey go take place for 11 European cities over di next month.

For di first time for single game for di European Championship, Italy score three times, Roberto Mancini’s side register 24 attempts as dem change am for Turkey to extend dia unbeaten run to 28 matches wey start far back as September 2018.

Italy dominate di first half but struggle to find di net as Giorgio Chiellini produce fine save from Turkey goalkeeper Ugurcan Cakir.

See all di opening ceremony serenre

Di biggest football competition for Europe start on Friday afta dem bin delay am for ova a year sake of coronavirus pandemic.

Na for Rome Stadio Olimpico wey get ova 70,000 capacity dem go do di opening ceremony but di organisers only allow 25% spectators for inside di stadium.

Fans don already begin dey rep dia team ahead of di opening match wey go see Italy face Turkey. Some of dem wear dia Jersey and paint dia face wit dia national team colours

Italian tenor Andrea Bocelli sing di iconic ‘Nessun Dorma’ song, dem bin use am as di official anthem of Italia ’90.

Oda artist wey perform na Martin Garrix, Bono and The Edge, dem perform di official song of di tournament, ‘We Are The People’.

Di effizy and packaging of di opening ceremony really totori fans.

Opening ceremony of Italy vs Turkey

Getty Images
Andrea Bocelli sing di iconic 'Nessun Dorma' song

Getty Images
Andrea Bocelli sing di iconic ‘Nessun Dorma’ song
Italy vs Turkey

Getty Images
Italy vs Turkey

Getty Images
Turkey fans dey rep dia team
Italy vs Turkey

Getty Images
Italy vs Turkey

Getty Images