Dem born di Duke of Edinburgh for di Greek island of Corfu on 10 June 1921. Im family tree include members of di royal families of Denmark, Germany, Russia and Britain. Prince Philip na di only son of Prince Andrew of Greece and Princess Alice of Battenberg. Di prince begin e education for France for di MacJannet American school for St Cloud and is seen here with e schoolmates. For di age of seven im go live with e Mountbatten relatives for England, wia im attend prep school for Surrey. Im later attend Gordonstoun boarding school, wey educational pioneer Kurt Hahn bin establish for northern Scotland, and e perform well-well for sport. During World War Two, Prince Philip na di midshipman for di battleship HMS Valiant. Wen di Italian fleet dey trapped off Greece for 1941, Philip command di searchlights wey torchlight di enemy and dem mention am for dispatches. Im engagement to Princess Elizabeth dey officially announced for July 1947… …and dem marry 20 November dat year. Prince Philip dey wit Princess Elizabeth for Treetops Hotel for Kenya when she find out say her papa don die and now she don become queen – dem take dis foto some days earlier Di prince for here dey play polo for Cowdray Park for di semi-finals of di Roehampton Cup. E be one of di leading polo players for Britain. Di duke also be cricketer. Here im team, wey be former England stars, di Duke of Norfolk wey be dia captain join dem togeda, wit Sussex players. Prince Philip follow di Queen go one six-week royal visit to India for 1961. Di duke and Queen get four children, (from left) Edward, Andrew, Anne and Charles, pictured here in the 1960s. For here di couplebin visit one farm for dia Balmoral estate, to celebrate their Silver Wedding anniversary. For 1977 di prince follow di Queen as she celebrate her Silver Jubilee. Two of dem wear di Maori Kahu-Kiwi (Kiwi feather cloaks) for Rugby Park in Gisborne, on di North Island of New Zealand wen dey attend di opening of di Royal New Zealand Polynesian Festival for February. Later dat year di royal couple wave as Concorde fly pass di Royal Yacht Britannia as dem near Barbados. For August 1979, one IRA bomb blast di boat wey di Queen cousin, Lord Louis Mountbatten dey for Ireland and e die. Di Duke of Edinburgh go back UK afta e hear di tori, as e don before dat time take part for one coach-driving championship for Normandy, northern France. Nature and conservation na lifelong passions of di Duke of Edinburgh and e be di natural choice to become di international president of wetin be di World Wildlife Fund dat time. For 1985 di Duke of Edinburgh dey surrounded by im family, including di young princes William and Harry, as dem gada to watch one flypast over Buckingham Palace afta Trooping di Colour. For 1996 di duke escort di South African President Nelson Mandela as he prepare to review one honour guard for Horse Guards Parade for di first day of im state visit to Britain. Prince Philip support die Queen for more than 60 years of her reign, including di Golden Jubilee celebrations for 2002. Di prince organize di Duke of Edinburgh Award scheme, wey dey aimed at developing young pipo abilities, for 1956. For here e dey share joke wit di Duke of Edinburgh Gold Award holders for Holyroodhouse for 2010. Di duke continue to dey compete for sport even wen e don dey old, including dis carriage-driving event for Sandringham for 2005. Thousands gada outside Buckingham Palace to greet di Royal Family afta di wedding of Prince Philip grandson, Prince William, to Catherine Middleton for 2011. Twelve months later, di prince wey appear to get beta join di Queen on di royal barge, di Spirit of Chartwell, wey form part of di rain-drenched Diamond Jubilee river pageant on 3 June 2012. He and di Queen stand for most of di 80-minute journey, as 1,000 boats follow dem travell seven miles down di River Thames to Tower Bridge. However, di duke land hospital sake of bladder infection before di Diamond Jubilee concert on 4 June. Afta e recover, e dey okay to follow Princess Anne to watch Great Britain equestrian team, wey include im granddaughter Zara Phillips, wey dey compete for di eventing for di 2012 London Olympics. For June 2013 di duke attend one church service for Westminster Abbey to mark di 60th anniversary of di Queen Coronation. For April 2017 di Duke follow im wife to open one new Centre for Elephant Care for ZSL Whipsnade Zoo for Bedfordshire. For May e announce say im wan stop to dey go public engagements at di age of 95, wit di full support of di Queen. Join wit di Queen di Duke bin observe one minute silence for di start of a garden party for Buckingham Palace on 23 May 2017 in tribute to dos wey die for di Ariana Grande concert for Manchester. Di duke na di longest-serving royal consort for British history. All photographs subject to copyright.