Di National Universities Commission (NUC) don direct Vice Chancellors of universities for Nigeria to resume academic activities on January 18, 2021.
Di NUC for inside statement explain say dis new directive dey in line wit dat of di Presidential Task Force on Covid-19 proposed date for di resumption of schools across di country.
- See resumption date for UNIBEN, BUK and oda tertiary institutions for Nigeria
- Buhari, Osinbajo go take Covid-19 vaccine on live TV
For December, di taskforce on Covid-19 bin announce make schools across different states for Nigeria close due to di increasing cases of coronavirus. Dem bin say dis order of closure bin dey subject to review.
For inside di NUC statement wey di Deputy Executive Secretary (Administration) of di commission, Mr Chris Maiyaki sign, im ask universities to strictly stick to safety protocols and di guidelines of di Nigeria Centre for Disease Control on Covid-19.
Im tok say dis no go be di first time di commission go communicate di guidelines to du universities as na sometin wey dem don do before inside di previous circulars wey dem bin send.