Lagos state police command don confam say hoodlums light fire put for Orile Police State for Iganmu area of di city.Inside attention wey tok tok pesin for di state Police command sign, di incident happen at about 10am m Tuesday and some policemen dey critically injured and unconfirmed reports say one of dem don die.Police add say e clear say hoodlums wey wan rundown di state don hijack di Endsars protest and di police command go resist such state of anarchy, unrest and palava with all powers within di law.
- Wetin APC national leader Tinubu tell End SARS protesters
- Obaseki declare 24-hour curfew, hoodlums hijack End Sars protest for Benin – See latest from Edo
Video ontop social media show di station on fire and pipo surround am.
E no clear if anybody police officer dey inside.
— Aisha Yesufu #SARSMustEnd (@MrOnos147) October 20, 2020
Meanwhile, di Lagos state goment don impose 24 hours curfew wey start on Tuesday by 4pm for di state sake of di palava wey dey ground afta hoodlums hijack di end SARS protest.
Dis one dey come a day afta Lagos state goment ask all pupils/students inside public and private schools to stay at home following di tension wey di End SARS protests don cause for di state.
Edo state goment on Monday also place 24-hour curfew for di state till further notice afta reports say hoodlums hijack di protest for dia, dey harass, rob and destroy tins for Benin City.
Di hoodlums also attack di prisons for Benin and Oko inside Benin City on Monday morning and free inmates wey dey dia.