End Sars protest: Presidential panel on police reforms okay 5-point demand of Nigerian protesters

Presidential panel on police reforms don okay di 5-point demand of protesters.

Dis one dey come afta di directives by President Muhammadu Buhari to dissolve di Special Anti-Robbery Squad (SARS) in response to di demand of citizens.

Na di Inspector General of Police, Mohammed Adamu, do di meeting with stakeholders, wia dem agree to meet di protesters demands, wey include to stop to dey use force against protesters and di unconditional release of citizens dem arrest.

Three reasons why #EndSARS Nigeria protest fit no end soon

Di meeting wey, di Office of di Inspector General of Police and National Human Rights Commission organise, na multi-stakeholders’ forum wey leaders and representatives of civil society organisations for Nigeria, activists from di entertainment industry and the ENDSARS movement and development partners bin attend.

Di Ministry of Police Affairs and Police Service Commission also dey present for di meeting wey confam say di five-point demands of di protesters and di ENDSARS movement na genuine concerns and go dey addressed by di goment.

Police and protesters during end sars protest

See summary of di Comunique of di stakeholders meeting:

Di Presidential Panel on di Reform of di Special Anti-Robbery Squad (SARS) jointly agree to end SARS.
Dem endorse di constitutional rights of Nigerians to peaceful assembly and protest; agree say di life of every Nigerians dey important and dia work na to protect am.
Di panel tok say goment go meet di five point demands of di protesters.
Di Forum welcome di proposal to set up Independent Investigation Panel to look into the violations of human rights by the defunct SARS and oda segments of di Nigerian Police.
Di Forum agree to di setting up of di Independent Panel by di National Human Rights Commission within di next one week. Dem call for Memoranda from members of di public wey dia rights don dey violated by di defunct SARS and dem go release other segments of di Police by di Commission within one week.
Di Forum recommend psychological evaluation, training and retraining of disbanded SARS officials before dem redeploy dem.
Di Forum agree to set up di following Technical Sub-Committees to design implementation roadmap and work plan for di implementation of di White Paper: Training, Capacity and Re-orientation; Logistics: Infrastructure, Communications and Technology; Arrest, Detention, and Investigations; Regulations, Oversight and Accountability and Financing and Partnerships.”

Di communiqué tok say di sub-Committees go dey supported by di National Human Rights Commission and other civil society organisations.Those wey attend di meeting na: Dr Kole Shettima- MAC Arthur Foundation; Innocent Chukwuma – Ford Foundation; Jude Ilo- of OSIWA; Segun Awosanya(segalinks) – End Sars Movement; Yemi Adamolekun- Enough is Enough; Clément Nwankwo- PLAC; Rafsanjani- CISLAC; Kemi Okonyedo- PWAN; YZ – CITAD; Folarin Falana Falz; Prof Deji Adekunle -NIALS; Chris Ngwodo, SSA to President Research & Policy; Dr Fatima Waziri – Rule of Law Adviser OVP and Abdulrahman Yakubu – NHRC Secretariat.

Others na: Hilary Ogbonna- NHRC secretariat; Halilu Adamu – NHRC Secretariat; Ben Aguh – NHRC secretariat; Dr Uju Agomuoh – PRAWA and Onyinye Ndubuisi – UNDP.