Nollywood Funke Akindele Bello and her husband don get forgiveness alias state pardon from Lagos Govnor Sanwo-Olu afta COVID-19 lockdown party.
Mrs. Funke Akindele-Bello and her husband, Mr. Abdulrasheed Bello, bin become non-custodial convicts for offences wey concern disobedience of COVID-19 lockdown regulations in April.
Di State Attorney-General and Commissioner for Justice, Mr. Moyosore Onigbanjo, SAN, say Gov. Sanwo-Olu act based on di recommendations of di State Advisory Council on Prerogative of Mercy, under di powers wey di Govnor get from Section 212 (1) & (2) of di Constitution of di Federal Republic of Nigeria wey dem don amend.
Di oda 56 prisoners dem release na based on di recommendation of di Advisory Council afta dem don check dia case files wella, check di time dem don dey prison, dia offence, dia age and dia health, among oda things dem look.
Di Attorney General encourage thoe wey chop dis benefit make dem be good citizens and make dem run away from crime.
Lagos State Govnor, Babajide Sanwo-Olu bin inaugurate di eight-member Advisory Council on Prerogative of Mercy, wey Dr. Abayomi Finnih lead for December 2019.